Rreth 2100 ish-ushtarakë, apo civilë do të kenë mundësinë që të bëhen pjesë e rezervistëve të ushtrisë shqiptare.
Projektligji i miratuar nga Këshilli i Ministrave tashmë ndodhet në Kuvend dhe parashikon që kostoja fillestare e aktivizimit të rezervistëve të jetë 1.5 miliardë lekë.
Kohëzgjatja e shërbimit ushtarak rezervist është nga 14 deri në 45 ditë në vit. Mosha 50-60 vjeç, teksa ka edhe hapësira të tjera si garantimi i vendit të punës së mëparshëm dhe grada.
Ata do t’i bashkohen Forcës Ushtarake si rezervistë. Ministria e Mbrojtjes ka depozituar në Kuvend projektligjin e miratuar nga Këshilli i Ministrave “Për organizimin dhe funksionimin e forcës rezerviste në Republikën e Shqipërisë”.
Në relacionin përkatës jepen edhe shpjegime dhe detaje.
“Shërbimi ushtarak rezervist shërben për të siguruar individë të trajnuar, me qëllim kompletimin e strukturës së Forcave të Armatosura të Republikës së Shqipërisë, ruajtjen e nivelit të gatishmërisë dhe operacionalitetit të kërkuar, rritjen e kapaciteteve të mbrojtjes, të nevojshme në rastet e përkeqësimit të gjendjes së sigurisë, si dhe për plotësimin e detyrimeve kombëtare, në kuadër të NATO”, thuhet ndër të tjera.
Për t’iu bashkuar shërbimit rezervist dhe marrë në këmbim një pagë, kushti kryesor është që individi të jetë shtetas shqiptar dhe të mos jetë i dënuar me burg, me një vendim të formës së prerë. Në varësi të moshës që ka, rezervisti do të gradohet edhe si ushtra, nënoficer apo oficer.
Bashkë me përfitimet dhe përgjegjësitë, mbi rezervistin do të rëndojnë edhe detyrime.
“Shmangia e ushtarakut rezervist nga detyrimet në fushën e evidencës ushtarake ose nga pjesëmarrja në stërvitje, trajnime dhe operacione të ndryshme ushtarake brenda dhe jashtë vendit, kur nuk përbën vepër penale, përbën kundërvajtje administrative dhe dënohet me gjobë nga 10.000 deri në 50.000 lekë”.
(Kliko këtu për të lexuar dokumentin e plotë)
Lajme të tjera
-
Qeveria hedh për konsultim Projektligjin për ndërtesat e reja dhe rinovimin e atyre ekzistuese: Duhet të jenë pa emetime që nga 2028 (DOKUMENTI)
3 Nëntor, 18:44 -
Atentati i Shkodrës/ LZHK: Krimi nuk ka frikë nga shteti, qeveria palë me të! Të ngrihet Xhandarmëria Kombëtare
1 Nëntor, 11:27 -
Alban Daci: Dy realitete të së njëjtës medalje!
31 Tetor, 19:23
-
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Qeveria i hap rrugë krijimit të Forcës së Rezervistëve, ministri Vengu: 15.5 mln euro nga buxheti 2025
30 Tetor, 12:58 -
Hotelet, 2 çadra për 1 dhomë! Leje plazhi vetëm bizneseve me NIPT e pa detyrime tatimore
24 Tetor, 17:33
-
PD: Rama po tallet me pensionistët, u dha 25 lekë në ditë!
22 Tetor, 16:40 -
Rama për skemën e pensioneve: Situata njësoj si me energjinë elektrike, gjysma paguan për gjysmën tjetër! Do ndërhyjmë fort, pagat joreale janë krim e vjedhje
21 Tetor, 12:09 -
Mamografi për gratë e FA-së, Koçiu: Njësitë e lëvizshme kontrolle falas gjatë gjithë vitit
19 Tetor, 11:43 -
Regjistrohet në QKB kompania shtetërore e prodhimit armëve KAYO e Ministrisë së Mbrojtjes, Ardi Veliu zgjidhet drejtor
17 Tetor, 13:35 -
'Blindohet' ushtria shqiptare, Forcat e Armatosura pajisen me autoblinda amerikane! Vengu: Hap tjetër drejt modernizimit!
16 Tetor, 21:12 -
Botohet në fletoren zyrtare vendimi, nga 1 janari rritje e trajtimit financiar për 6 mijë efektivë të FA, Vengu: Trajtim dinjitoz për ushtarakët
16 Tetor, 17:20
