Prokurori i ‘dosjeve të rënda’ para Vetingut, ka hetuar bandat Lushnjes, Durrësit, Cërrikut, Lazaratit, Met Kananin, Bajrat e Avdylajt

Prokurori pranë Prokurorisë për Krimet e Rënda, Anton Martini, do të dalë nesër para Komisionit të Pavarur të Kualifikimit, për t’u njohur me verifikimin e trefishtë, për ligjshmërinë e pasurisë, pastërtinë e figurës dhe aftësitë profesionale. Çështja e Martinit po shqyrtohet nga trupa gjykuese e përbërë nga Genta Tafa (Bungo), Etleda Çiftja dhe Pamela Qirko. Anton Martini është edhe kandidat për t’u bërë pjesë e Prokurorisë së Posaçme, strukturës speciale e projektuar për të luftuar krimin dhe korrupsionin në të gjitha nivelet. Nëse do të konfirmohet në detyrë nga Komisioni i Vetingut, Martini pritet të emërohet nga Këshilli i Lartë i Prokurorisë prokuror i SPAK-ut. 

Anton Martini e ka nisur karrierën në sistemin e drejtësisë në vitin 1999. Nga viti 2004 është prokuror i Krimeve të Rënda. Martini konsiderohet si prokuror i hekurt dhe i jo kompromiseve. Ai ka hetuar dhe çuar para gjykatës bandat kryesore kriminale në Shqipëri, konkretisht bandën e Lushnjes të drejtuar Aldo Bare, bandën e Cërrikut të drejtuar nga Met Bozi dhe Rolnad Xhepexhiu, bandën e Durrësit të drejtuar nga Lul Berisha si dhe bandën e drogës së Met Kananit, i dënuar në SHBA për trafik droge. Gjithashtu, Anton Martini ka hetuar edhe Arben Frrokun, i dënuar me burgim të përjetshëm për vrasjen e komisarit Dritan Lamaj. Martini ka regjistruar edhe dosjen e famshme ‘339’, për Avdyljat në Shijak, nga e cila doli edhe çështje blerjes së votave. 

Anton Martini ka pasur në duart edhe dosjen e Lazaratit. Në dhjetor të 2015-ës ai kërkoi 110 vite burg për Gate Mahmuatajn dhe bandën e tij të drogës. Aktualisht, Martini ka në duar një tjetër dosje të nxehtë, atentatin ndaj prokurorit të Durrësit Arjan Ndoja, ku humbi jetën shoferi i tij si dhe u plagos i ‘forti’ i Shijakut Landi Muharremi, i quajtur më parë Pëllumb Muharremi si dhe i njohur si ‘Rrumi’. Në vitin 2015, ish-kryeprokurori Adriatik Llalla e transferoi Martinin në Shkodër nga Këshilli i Prokurorisë së kohës. Ky vendim u konsiderua nga Martini si i parregullt. Megjithatë, prokurori Martini Martini u rikthye në Prokurorinë e Krimeve të Rënda në vitin 2008. Sa i takon pasurisë, Martini rezulton se ka në pronësi një apartament, blerë me kredi, ndërsa si të ardhura deklaron pagën e tij dhe të bashkëshortes.

B.K./Shqiptarja.com
  • Sondazhi i ditës:

    A jeni dakord me propozimin për dozë të tretë vaksine për personat mbi 60 vjeç?

Komento

Komente

  • Liri: 10/12/2019 08:57

    Per problemet me kredine u shkarku Ervin Metalla i apelit te tirones. Te shofim ca qendrimi do mbaje komisioni per kete prokurorin. Eshte mesu komisioni me 10 standarte. Vl

    Përgjigju
  • Ana: 10/12/2019 08:38

    Vegla Saliut. Ik krruji k... atij saliut plak qe te ka ber prokuror. Ky esht i ndyr e manipulator

    Përgjigju
  • Tono: 10/12/2019 08:11

    Super maskara manipulator nuk eshte prokuror i drrejt per ta kuptuar me qart ky ordiner ANDON MARTINI i pa aft sajon prova vetem e vetem per te fiutar proceset gjygjsore per karrjeren e bythes vet zoti e ndeshkoft andon pisin

    Përgjigju
  • fi ai: 10/12/2019 07:45

    Noli! Se paske emrin e njerzve me fame. Mos gabove me shkrimin per kete prokuror se per mendimin tim te kishte bere cdo prokuror sa 5% e punes se z.Martini ky vend do kishte lapur Zvicren. Suksese zotit Martini

    Përgjigju
  • Noli: 09/12/2019 21:36

    Cfar bande eshte Met Bozi e tjere ne Cerrik. Jane hakmarrje e paster e Sali Berishes.Ky prokurori eshte thjesht nje vegel e Saliut per Cerrikun.

    Përgjigju


×

Lajmi i fundit

John

Dy liderat botëror Boris Johnson dhe Joe Biden takohen në Shtëpinë e Bardhë