Ish-drejtuesi i prokurorisë së Tiranës Petrit Fusha dërgohet në gjyq për akuzën e deklarimit të rremë të pasurisë. Prokuroria e Durrësit që hetoi çështjen prej korrikut të vitit 2022 tha se pikënisje ishte vettingu ndaj prokurorit i cili dha dorëheqjen para vendimit të trupës së vlerësimit në vitin 2019.
Fusha ka qenë me detyrën e prokurorit dhe në bazë të ligjit iu nënshtrua procesit të rivlerisimit. Sipas akuzës, ish-prokurori ka deklaruar rrethana të rreme për pasuritë që disponon, ka kryer veprime fiktive për dhënien me qira të disa objekteve si dhe nuk ka deklaruar shpenzime në lojërat e fatit gjatë viteve 2010 deri në 2016, në vlera të konsiderueshme financiare.
"Në funksion të hetimeve të procedimit penal nr. 2733/2019, në ngarkim të të pandehurit P.F., rezulton se janë përfunduar hetimet lidhur me akuzën “Refuzimi për deklarimin, mosdeklarimi, fshehja ose deklarimi i rremë, i pasurive të personave të zgjedhur dhe nëpunësve publik, ose i çdo personi që ka detyrim ligjor për deklarim”, parashikuar nga neni 257/a, pgr. 2, i Kodit Penal dhe në datën 05.12.2023 çështja i është dërguar Gjykatës së Shkallës së Parë të Juridiksionit të Përgjithshëm Durrës për shqyrtim" informoi sot prokuroria e Durrësit.
Nga Komisioni i Pavarur i Kualifikimit, është dërguar në Prokurorinë pranë Gjykatës së Shkallës së Parë për Krime të Rënda Tiranë, raporti me rezultatin përfundimtar të hetimit administrativ për ish-prokurorin ku u kërkua të hetohet për faktet në kuadër të rivlerësimit kalimtar.
Ky fakt ka shërbyer për regjistrimin e çështjes penale, në ngarkim të tij dhe më pas ka sjellë marrjen e tij në cilësinë e të pandehurit.
Ish-drejtuesi i prokurorisë së Tiranës, Petrit Fusha dha dorëheqjen në shkurt të vitit 2019 nga frika e Vetingut, pikërisht një ditë pasi Komisioni i Pavarur i Kualifikimit i dërgoi rezultatet e verifikimit si dhe i kaloi barrën e provës për të provuar të kundërtën e konstatimeve të KPK.
Në një shkrim të publikuar në korrik 2022 rezulton se Petrit Fusha ngriti një pasuri me vlerë qindra mijëra euro me dhurata dhe kredi. Sipas dosjes së prokurorisë Me hotelin dhe restorantin që ndërtoi me vlerë 500 mijë euro, në tokë të dhuruar dhe para pjesërisht dhuratë, Petrit Fusha dhe bashkëshortja e tij Sanije Bulku kanë fituar rreth 760 mijë euro, në harkun kohor 2004-2016. 
Komente
Lajme të tjera
-
U mor i pandehur, si e ‘justifikoi’ Petrit Fusha, ish-kryeprokurori i Tiranës, resortin 'MAI-TAI'! Tokën ia fali daja, paratë babai e motra, vëllai i dënuar për drogë
28 Korrik 2022, 19:30
-
Fshehu shpenzimet e bixhozit dhe falsifikoi faturat e objektit të dhënë me qira, Prokuroria e Durrësit merr të pandehur ish kreun e Prokurorisë Tiranë, Petrit Fusha
27 Korrik 2022, 11:42 -
Dy standardet/ SPAK u bllokon pasurinë dhe i çon për gjykim, Prokuroria e Tiranës zvarrit prej 20 muajsh dosjet e gjyqtarëve e prokurorëve të kallëzuar për fshehje pasurie
16 Nëntor 2021, 08:41
-
Ekskluzive/ Vetingu i nxori nga dera, 27 gjyqtarë dhe prokurorë të shkarkuar rikthehen nga ‘dritarja’ si avokatë
11 Mars 2021, 10:39
-
Ekskluzive/Gjin Gjoni, Arjana Fullani dhe Petrit Fusha me shokë nuk i ndahen drejtësisë, bëhen avokatë pasi ia mbathën nga sistemi nga frika e Vetingut (EMRAT)
22 Shkurt 2021, 15:25
-
Si PD-LSI po fusin në listën e deputetëve të afërmit e gjyqtarëve të ‘djegur’ nga Vetingu për pasuri përrallore
28 Janar 2021, 15:58
-
Raporti sekret/Shërbimet informative dosje të zezë për ish-kryeprokurorin e Tiranës Petrit Fusha, babai i kandidatit për deputet të LSI-së
18 Janar 2021, 18:40
-
Dje e akuzonte PD, sot opozita do kandidojë Aldi Fushën e oligarkëve dhe prokurorit skandaloz
11 Janar 2021, 17:16
Ah, na qenkerkesh hetim administrativ...
Përgjigju