Protesta e ‘Shqipëria Bëhet’, Policia ndërhyrje sërish gjatë natës! Lapaj dërgohet në spital, i ra ngrohësja në kokë! 4 të arrestuar, 9 nën hetim (VIDEO)

Mbështetësit e Adriatik Lapajt vijojnë qëndrimin e tyre përballë kryeministrisë gjithashtu dhe përplasjet me efektivët e policisë. Këta të fundit kanë filluar që të mbledhin dhe karriget e protestuesëve ku që prej datës 8 dhjetor, janë rreshtuar poshtë zyrës së Ramës ku vijojnë të qëndrojnë pa ndalim.

Së fundmi nga zyra ka dalë kryeministri Edi Rama dhe mbështetësit e Lapajt e kanë shoqëruar me brohoritje “Edi Rama o hajdut”. Në të njëjtën kohë, pranë tyre është ndalur dhe një taksist, i cili ka sjellë të tjera karrige. Ai nuk është lejuar nga policia të ndalojë në zonë dhe i është kërkuar që të largohet.

Kreu i “Shqipëria Bëhet”, Adriatiak Lapaj ka reaguar pasi është kallëzuar penalisht nga Policia e Tiranës, lidhur me përplasjen me efektivët, gjatë protestës së zhvilluar para Kryeministrisë më 4 janar.

Përmes një postimi në rrjetet sociale, Lapaj, nga spitali, ku po merr trajtim mjekësor, e ka cilësuar kallëzimin si një medalje nga ajo që ai e quan regjimi i kryeministrit Edi Rama.

Lapaj është shprehur se ata që ai i cilëson si hajdutë, nuk do ta trembin dhe shtoi se pasi të dalë nga spitali, do të jetë sërish në shesh.

“Medalja e tretë në 1 muaj nga regjimi Edi Ramës! Më kanë kallëzuar penalisht sërish. Edhe unë do i kallëzoj kësaj here. Hajdutët nuk më trembin dot. Te sheshi më kanë pasi të dal nga spitali.”, shkruan Lapajn në Facebook.

Pas protestës së mbajtur një ditë më parë nga 'Shqipëria Bëhet’ para Kryeministrisë, policia ka bërë me dije se ka arrestuar 4 persona pasi kanë hedhur sende të forta në drejtim të punonjësve të Policisë.

Ata janë indentifikuar si Edison Haklaj, Alfred Matoshi, Eligert Hima dhe Ergjys Llanaj.

Më tej në një njoftim tjetër theksohet se në gjendje të lirë do të hetohen edhe 9-të persona mes tyre edhe Adriatik Lapaj.

Pas protestës së mbajtur një ditë më parë nga 'Shqipëria Bëhet’ para Kryeministrisë, policia ka bërë me dije se ka arrestuar 4 persona pasi kanë hedhur sende të forta në drejtim të punonjësve të Policisë.

Ata janë indentifikuar si Edison Haklaj, Alfred Matoshi, Eligert Hima dhe Ergjys Llanaj.

“arrestuan shtetasit E. H., 30 vjeç, A. M., 40 vjeç, E. H., 39 vjeç dhe E. Ll., 41 vjeç, si dhe referuan materialet në Prokurori ku nisi procedimi penal për shtetasit V. H., A. Sh., E. L., A. B., A. Sh. dhe M. Xh., pasi dje, në bulevardin "Dëshmorët e Kombit", gjatë zhvillimit të protestës, kanë hedhur sende të forta në drejtim të punonjësve të Policisë. Si pasojë, u dëmtuan 2 punonjës policie, njëri prej të cilëve vijon ende në spital”, njoftoi sot policia.

Më tej në një njoftim tjetër theksohet se në gjendje të lirë do të hetohen edhe 9-të persona mes tyre edhe Adriatik Lapaj.

“referuan materialet në Prokurori ku nisi procedimi penal për shtetasit A. L., E. K. dhe A. P., pasi kanë pushtuar hapësirën publike përpara Kryeministrisë, duke vendosur një çadër dhe objekte të tjera, pa leje dhe në kundërshtim me urdhrin e punonjësve të Policisë”, thuhet më tej në njoftim.

Foto: Jorida Tabaku

Kryetarja e Komisionit Parlamentar për Median dhe të Drejtat e Njeriut, Jorida Tabaku, ka reaguar ashpër ndaj dhunës së ushtruar nga policia ndaj protestuesve paqësorë përpara Kryeministrisë, duke e cilësuar atë si një akt të papranueshëm dhe në kundërshtim flagrant me standardet demokratike europiane.

Në një postim publik, Tabaku thekson se protesta është një e drejtë kushtetuese dhe jo një krim, ndërsa qytetarët që prej ditësh protestojnë paqësisht nuk kanë kërcënuar dhe as kanë dhunuar askënd, por kanë ushtruar një të drejtë themelore të garantuar nga Kushtetuta.

Sipas saj, reagimi i qeverisë me dhunë ndaj qytetarëve tregon frikë nga zëri i popullit dhe një keqpërdorim të forcës shtetërore për të heshtur protestën.

“Në Europë policia mbron protestën, nuk përdoret për të rrahur qytetarë paqësorë. Kjo që po ndodh nuk është standard europian,” nënvizon Tabaku.

Duke paralajmëruar pasoja serioze për shtetin e së drejtës, Kryetarja e Komisionit për Median dhe të Drejtat e Njeriut thekson se kur pushteti ngre dorë kundër qytetarëve, shteti ligjor pushon së funksionuari dhe vendi rrëshqet drejt një modeli autoritar. Ajo e lidh këtë sjellje me korrupsionin e thellë të qeverisjes, duke e cilësuar dhunën si shprehje të një pushteti të dobët dhe të frikësuar.

Reagimi i Tabakut vjen në një moment tensioni të shtuar politik dhe social, ndërsa opozita dhe shoqëria civile kërkojnë respektimin e lirive themelore dhe ndalimin e përdorimit të forcës ndaj qytetarëve që ushtrojnë të drejtat e tyre kushtetuese.

Ministria e Shëndetësisë ka reaguar lidhur me përplasjen e ndodhur në orët e vona të mbrëmjes së djeshme të policisë me aktivistët dhe mbështetësit e Adriatik Lapaj. Vetë ky i fundit u dërgua me urgjencë në Spitalin e Traumës për të marrë ndihmë mjekësore pasi u godit me një bombol gazi në kokë.

Në reagim sqarohet se mbrëmjen e djeshme në urgjencë janë paraqitur 5 persona, 2 prej të cilëve efektivë të Policisë së Shtetit. Njëri prej tyre ka lënë tashmë ambientet e spitalit ndërsa tjetri vijon të marrë mjekim.

Gjendja e Lapajt paraqitet stabile, pa dëme serioze dhe se pritet t’i nënshtrohet një ekzaminimi nga neurologët e më pas të lërë ambientet e spitalit. Gjithashtu për mjekim janë paraqitur dhe 2 protestues, të cilët pasi kanë marrë mjekimin e nevojshëm janë larguar nga spitali.

“Në Spitalin Universitar të Traumës, mbrëmjen e djeshme janë paraqitur 5 persona, dy prej të cilëve efektivë të Policisë së Shtetit. Njëri prej tyre ka lënë Spitalin ndërsa tjetri vijon i hospitalizuar nën kujdesin e mjekëve.

Z. Adriatik Lapaj pas ekzaminimeve të kryera ndodhet jashtë rrezikut për jetën por po vijon të jetë në spital në kujdesin e ekipit mjekësor.

Gjithashtu,  për ndihmë mjekësore në spital janë paraqitur edhe dy protestues të cilët gjithashtu ndodhen jashtë rrezikut për jetën dhe kanë lënë ambientet e spitalit pasi kanë marrë ndihmën mjekësore”, thuhet në reagim.

Kreu i Shqipëria Bëhet u kthye sërish mbrëmjen e djeshme para kryemnistrisë dhe vendsosi sërish çadrat me mbështetësit e tij edhe pas përplasjeve që pati me policinë gjatë mesditës së djeshme.

Teksa ka shpërndarë një video në rrjetet sociale ku forcat e policisë heqin çadrat e vendsoura, Lapaj shprehet se nuk do të dorëzohet, por do të kthehet sërish në shesh.

Përgjegjës për këtë situatë Lapaj bën kryeministrin Edi Rama, ku e cilëson si kreun e një bande dhe për këtë arsye duhet që të mbajë përgjegjësi.

"Edi Rama të bëj përgjegjës ty! Miq, mbrëmë pas mesnate dhjetëra forca të Edi Ramës u sulën të tërbuar mbi ne. I gjendur përballë dhunimit të së drejtës sime Kushtetuese për të shprehur mendimin tim përmes protestës, nuk kam lëvizur. Kam nisur të filmoj. Nga veprimet e tyre një prej ngrohëseve më ka goditur.

Ndodhem te Spitali i Traumës ku po kryej ekzaminimet. Sërish do kthehem në shesh. Edi Rama unë nuk të kam frikë. Përkundrazi! Ti je kreu i një bande dhe do mbash përgjegjësi.

I bëj thirrje kujtdo të bashkohet kundër hajdutëve!", shkruan Lapaj në Facebook.