Në ditën e 43-të protestës qytetarët, paralajmëruan një padi ndaj kryepolicit Skënder Hita për shpërdorim detyre, pak ditë pas tha se po verifikohen disa sulme të koordinuara kibernetike ndaj bizneseve të turizmit në vend. Një prej organizatorëve të tubimit, Andi Tepelena, u kërkoi qytetarëve që të jenë atje në kohën kur do të dorëzohet padia.
“Të premten Hita tha se po heton ata që bëjnë revieë negative. Nesër ora 13.00 para SPAK-ut bëjmë kallëzim penal duke kërkuar hetimin e tij për shpërdorim detyre”, tha Tepelena.
Me një pjesëmarrje gjithnjë e më të tkurrur siç duket edhe nga pamjet, qytetarët bënë thirrje kundër kastës së vjetër politike, duke kërkuar jo vetëm burgosjen e tyre por edhe konfiskimin e pasurive.
“T’i shohim zvarrë Ramën e Berishën e t’u merren gjitha pasuritë”, tha një emigrante nga Italia.
Një pjesë të madhe të fjalimeve iu dedikuan projektit TID në Durrës dhe atij në Rrjoll.
“Na bënë sorra e korba. Duam të rrimë por ky na përzë. Flet për projektin TID, Balluku në burg. Fjalim i gjatë për Durrësin. Rama ik, Belinda ik”, tha një grua.
“Jepni dorëheqjen. Karma is a bitch, është më e madhe se Edi Rama.”
“Nuk duhet të ulim kokën edhe kur kemi frikë. Përdhunuan plazhin e Rrjollit.”
“Lini ditët e plazhit dhe ejani t’i thyejmë hundën zullumqarit.”
Fjalimet u përmbyllën me tingujt e një këngë dedikuar Shqipërisë.
Si çdo natë, protestuesit vijuan me marshimin në disa rrugë të kryeqytetit, duke bërë thirrje për pjesëmarrje më të lartë.
Me ndalesën finale para kryeministrisë, protestuesit kanë përmbyllur marshimin në rrugët e Tiranës.
Në vijimin e marshimit të tyre, protestuesit i janë drejtuar ish-Bllokut. Aty janë ndalur përpara lokaleve ku u bëjnë qytetarëve thirrjen e njohur “bashkohuni me ne!”
Pasi një soprano mori mikrofonin për të kënduar “Rrjedh në këngë e ligjërime” të Vaçe Zelës, u mbyllën edhe fjalimet përpara kryeministrisë. Tani protestuesit nisin marshimin e përhershëm të mbrëmjeve.
Një protestuese, emigrante nga Italia që tha se vjen nga një familje e persekutuar, akuzoi Sali Berishën se i ka gënjyer këto familje duke mos ua kthyer pasuritë. Më pas, ajo kërkoi sekuestrimin e pasurive të kreut të PD dhe kryeministrit Rama.
“Vij nga një familje e persekutuar. Berisha gënjeu të gjithë të persekutuarit dhe ish-pronarët dhe nuk u dha pasuritë e veta. Kemi 30 vite nëpër gjyqe që nga Berisha dhe tani me sistemin më të korruptuar të Edi Ramës! Unë nuk dua t’i shoh në burg Ramën dhe Berishën, por të merren zvarrë dhe t’u merren gjithë pasuritë”, tha emigrantja.
Duke iu drejtuar qytetarëve që s’i bashkohen protestës në shesh sepse mendojnë që ajo po zbehet (edhe pse në fakt pjesëmarrja qartazi ka rënë), pedagogu Lush Susaj s’i kurseu edhe fjalët e ashpra.
“Nuk mbaron kjo protestë! Nëse besoni atë që ju thotë propaganda e qeverisë, mos ju zbardhtë drita, ikni se jeni plehra!”, tha pedagogu.
Një 73-vjeçare nga Durrësi, e quajtur Rita, mbajti një fjalim të gjatë para protestuesve ku iu përgjigj kryeministrit Rama për shprehjen “sorra dhe korba”, duke thënë se ata i gjen në institucionin që drejton, duke e nisur nga Belinda Balluku. Rita kërkoi largimin e Ramës dhe ish-zv. kryeministres.
“Ky na bën sorra dhe korba. Ne jemi njerëzit që duam të rrimë dhe të na përzënë. Sorra dhe korba ka ato të kryeministrisë. E para Belinda Balluku, ajo ka firmosur për Shqipërinë. ajo është hajdutja ekstreme! Ai thotë do të lodhet ky popull. Jo! Do të ndizemi më keq! Rama ik, Belinda ik! Rroftë Shqipëria e re!”, tha 73-vjeçarja.
Luçiana Kokaj mori fjalën para protestuesve te kryeministria për t’i përgëzuar për qëndresën e tyre 43-ditore. Ajo tha se asgjë s’do t’i largojë shqiptarët nga sheshi për të mbrojtur vendin.
“Çfarë janë 43 ditë për të fituar të drejtat tona? Nuk ka verë, nuk ka Botëror, nuk ka pushime verore që largon shqiptarët nga sheshi. Ju bëj thirrje që të jeni çdo ditë e më shumë, çdo ditë e më të bashkuar, Shqipëria ka nevojë për ne! Qeveria na ka sulmuar që ditën e parë duke na quajtur agjentë të ndryshëm, duke u munduar të intimidojë familjaët tanë, por asnjë nga manovrat e tyre nuk na devijon për të mbrojtur familjen tonë”, tha Kokaj.
Komente
Lajme të tjera
-
Mero Baze: Përdhunuesit publikë të biznesit dhe OJF-të e shtypit që duan t’u ruajnë 'nderin'
13 Korrik, 22:51
-
Protestuesi thirrje pensionistëve nga tubimi: Mos u gënjeni me 50 mijë lekë, mos dilni kundra nesh! (VIDEO)
13 Korrik, 22:28 -
Përfundojnë fjalimet para Kryeministrisë, protestuesit marshojnë në rrugët e Tiranës: Shqipëria kërkon revolucion! (PAMJE ME DRON)
13 Korrik, 21:38 -
E moshuara nga protesta: Opozita e vërtetë nuk është Berisha, por ne! Saliu bashkë me Ramiz Alinë na e vodhën demokracinë (VIDEO)
13 Korrik, 21:18 -
Aktivisti Tepelena nga protesta: Kodi zgjedhor i 2008-ës ka marrë peng demokracinë! Duam garë të barabartë, s’mund të ketë komisione zgjedhore politike (VIDEO)
13 Korrik, 20:50 -
Ylli Pata: Arsyet e bombardimit të industrisë së turizmit nga flamingot
13 Korrik, 20:40
-
Organizatori Edison Lika nga protesta para Kryeministrisë fton shqiptarët të bojkotojnë pushimet verore: Është e vetmja mënyrë që të bëni pushime gjithë jetën (VIDEO)
13 Korrik, 20:08 -
Jakin Marena: Pse revolucioni u shua dhe ‘xhiron’ me moton, ‘të bëjmë dhe pak dëm’?!
13 Korrik, 19:20
-
Protesta e 44-t/ 'Tkurret' pjesëmarrja, organizatori Lika mesazh qytetarëve për bojkotimin e pushimeve verore! Përsëriten thirrjet kundër klasës politike (VIDEO)
13 Korrik, 19:18 -
Frrok Çupi: Kosovarët nuk janë me Rozafën
13 Korrik, 18:34
-
Thoma Gëllçi: Algoritmi dhe Altin Likja - Fejton -
13 Korrik, 17:07
-
Ekskluzive/ Prej 2 korrikut protesta del nga ‘moda’ në rrjetet sociale, tani hapësirë vetëm në mediat tradicionale
13 Korrik, 16:41
Okay mbaruat!shkoni e grrisni bythen se e nxit shqiperin!edhe ti pedagog leshi shko e grris sumen. Thuaj se cfare mungon e cfare duhet!jo protesta mbaroj o koqe
Përgjigju