Qindra shqiptarë kanë protestuar gjatë të shtunës para ambasadës së Maqedonisë në Vjenë të Austrisë.
Protestuesit dhe organizatorët theksuan gjatë protestës së tyre se mbështesnin protestat e shqiptarëve në Maqedoni, të cilat kanë për synim ngritjen e zërit ndaj diskriminimit të shqiptarëve në këtë vend.
Protesta të tjera të këtij lloj në përkrahje të shqiptarëve të Maqedonisë janë regjistruar edhe në Londër, në Këln të Gjermanisë.
Gjithashtu pritet që gjatë kësaj fundjave të ketë protesta për këtë çështje edhe në komunitetet shqiptare në Çikago dhe Nju Jork.