Pse nuk është e vërtetë që Lulzim Basha ndiqet?!

Pse nuk është e vërtetë që Lulzim Basha ndiqet?!

Lulzim Basha dhe aleatët

Opozita ka tentuar sot të bëjë viktimën e radhës, përmes një lajmi nga burime të pasqaruara. Lulzim Basha po ndiqet nga policia, thotë akuza.

Në fakt, pikëpyetja e parë ngrihet nëse ia vlen ta ndjekësh kreun ‘de jure’ të Partisë Demokratike. Dikush do të thoshte se nuk ka nevojë për polic me kostum civil që t’i rijë para-mbrapa në distancë, i fshehur nëpër cepa pallatesh. Sepse ndjekja në një lugë vend si Shqipëria nuk ka sens. Këtu merret vesh gjithçka, edhe pa “hafije” pas shpine.

Dikush tjetër mund të thotë se s’ia vlen ta ndjekësh këmbë-këmbës, sepse do të mjaftonte përgjimi i celularit apo i postës elektronike të Bashës. Por jo, Bashën nuk ia vlen ta ndjekësh për arsye të tjera. Madje një, jo shumë arsye: Sepse për të ka boll “material” në sirtaret e kundërshtarëve politikë, mediave, gjykatave dhe partnerëve të huaj!

Lulzim Basha ka një akuzë sa një mal i lartë mbi krye, për një abuzim astronomik fondesh që lidhen me Rrugën e Kombit. Kjo aferë ndodhet e sistemuar në një dosje goxha të trashë në Prokurorinë e Përgjithshme, e nuk duhen më policë për ta plotësuar me ndonjë fakt të ri.

Së dyti, Basha ka një akuzë gjithashtu shumë serioze nga Gjykata Kushtetuese, për marrëveshjen detare me Greqinë. Akuza në fjalë flet për tentativë për cënim të integritetit territorial të Shqipërisë. Pra është goxha serioze dhe e rëndë, e sërish këtu nuk duhet ndonjë patrullë e ministrit Xhafaj te dera e pallatit të kreut të opozitës, për të gjetur elemente të reja.

E treta, zoti Basha është akuzuar nga opozita për vrasjen e katër demostruesve në 21 janar 2011, nga pozita e ministrit të Brendshëm të kohës. Është e vërtetë që këtu s’ka ndonjë proces a vendim gjyqi në lojë, por ajo si ngjarje u konsumua në sytë e tre milionë shqiptarëve, që ndoqën “live” vrasjet në dyert e Kryeministrisë. Pra, s’ka nevojë për shumë hetime të mëtejshme.

Për sa më sipër, duket se nuk ka asnjë sens t’i shkosh nga mbrapa Lulzim Bashës. Për më tepër kur mendon se ai rri më tepër në Holandë, sesa në Shqipëri. Nëse e ndjek policia holandeze, kjo është çështje tjetër…/Javanews/

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • milionat e kombit: 02/06/2018 16:56

    punet e mira behen ngadal or mik , do ja nigjojme edhe lulkes zerin

    Përgjigju
  • Hahahahahaaaaaaaaaaaaaa: 01/06/2018 19:02

    E forte kjo... Nese e ndjek Policia Hollandeze, kjo eshte çeshtje tjeter. po ku pje*** Hollanda per te ai vetem bahçevan lulesh sherben atje.

    Përgjigju
  • Ben Tironci: 01/06/2018 18:59

    Nuk ndiqet, se eshte pergeruar nga Berisha.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Eliminim surprizë për Alcaraz, Sinner merr 'asist' për vendin e dytë në renditje

Eliminim surprizë për Alcaraz, Sinner merr 'asist' për vendin e dytë në renditje