Një zjarr i fuqishëm ka përfshirë një banesë që fshatin Luf të Pukës duke shkaktuar vetëm dëme të mëdha materiale.
 
Ngjarja ka ndodhur mëngjesin e sotëm, ndërsa shkak për rënien e zjarrit ka qenë një shkëndijë elektrike.
 
Një nga pjesëtarët e familjes Përdeda shprehet se zjarri ka rënë gjatë kohës që ata kanë qenë në gjumë. Ka qenë zonja e shtëpisë ajo që fillimisht kishte konstatuar tym në banesë e më pas ka zgjuar pjesëtarët e tjerë të familjes.
 
Zjarri ka shkaktuar dëme të mëdha materiale duke e shkrumbuar çdo gjë në banesë.
 
Familja Përdeda është në qiell të hapur dhe kërkojnë ndihmën e shtetit për t’i rregulluar të paktën një dhomë.

[gallery]21611[/gallery]

Redaksia Online
(B.K/Shqiptarja.com)