Putin: Sulmi në spitalin e Gazës është e tmerrshme! T’i japim fund sa më shpejt, të fokusohemi në fillimin e negociatave

Presidenti rus, Vladimir Putin, ka thënë se nuk mendon se konflikti Izrael-Hamas do të përshkallëzohet në një luftë më të gjerë, duke bërë thirrje për fillimin e negociatave, raporton agjencia e lajmeve straitstime.

Putin ka folur edhe për bombardimet në spitalin e Gazës të cilat i quajti ngjarje të tmerrshme.

“Sa i përket bombardimit në spital, tragjedia e ndodhur atje është një ngjarje e tmerrshme. Qindra të vdekur dhe qindra të plagosur janë shifra katastrofike. Unë me të vërtetë shpresoj se ky do të jetë një sinjal se ne duhet t’i japim fund këtij konflikti sa më shpejt të jetë e mundur. Në çdo rast, duhet të fokusohemi në fillimin e negociatave. Kam përshtypjen se askush nuk dëshiron që kjo të vazhdojë, të zhvillohet konflikti dhe situata të përkeqësohet më tej. Sipas mendimit tim, lojtarët kryesorë, disa, sipas definicionit nuk duan, disa kanë frikë nga diçka por kam përshtypjen se praktikisht nuk ka lojtarë të gatshëm për të zhvilluar konfliktin dhe për ta kthyer atë në një luftë në shkallë të gjerë", tha Putin.

Zyrtarët palestinezë kanë fajësuar Izraelin për shpërthimin në spital. Izraeli ka pretenduar se shpërthimi ishte shkaktuar nga një lëshim i dështuar i raketës nga grupi militant Palestinez Xhihadi Islamik, i cili e mohoi fajin.

Lajmi kryesor:

Lufta/ Egjipti konfirmon marrëveshjen me Izraelin për hyrjen e ndihmave në Gaza! Sulmi në spital do të hetohet nga OKB! Sirena alarmi në Tel Aviv

S.S/Shqiptarja.com

TAG:
• vladimir putin
• sulmohet izraeli