POP 5

Lajmet më të lexuara të 5 minutave të fundit

Sociale

Qeveria sjell në Kuvend pr/ligjin: Të burgosurit që punuan në miniera do marrin pension

Të gjithë të përndjekurit që kanë punuar gjatë burgosjes së tyre në miniera, do të përfitojnë vite pune për efekt pensione dyfishin e burgimit. Kjo garantohet nga një projektligj i ri i depozituar në Kuvend nga Këshilli i Ministrave.

Qeveria ka depozituar në Kuvend një projektligj të ri i cili do të ndihmojë qindra të përndjekur të cilët kanë punuar në miniera gjatë burgosjes politike. Sipas nenit të shtuar, thuhet se: “Koha e vuajtjes së dënimit të ish-të dënuarve politikë në burgjet ku punohej në minierë në nëntokë, për efekt pensioni, të njihet si punë e kryer në minierë në nëntokë. Periudha njihet sa dyfishi i periudhës së qëndrimit në këto burgje. Paga llogaritet sa paga e punës në minierë. Vërtetimi për kohën e vuajtjes së dënimit në burgjet ku punohej në minierë në nëntokë lëshohet nga Ministria e Brendshme në bashkëpunim me Ministrinë e Drejtësisë”.

Kjo do të thotë se nëse një i burgosur politik ka punuar 5 vjet në minierë, për efekt pensioni atij do t’i njihen 10 vite, duke marrë si pagë, atë pagë të kohës për punonjësit e minierave. Nëpërmjet këtij projektligji njihet dhe garantohet e drejta për të përfituar pension për 264 ish-të dënuar politikë, të cilët kanë punuar në miniera, në nëntokë, gjatë kohës së vuajtjes dënimit në burgjet komuniste.  

Nga të dhënat zyrtare të mbledhura nga Instituti i Integrimit të Ish-të Përndjekurve Politikë rezulton se këta 264 persona përfitues, kanë vuajtur dënimin mesatarisht 7.5 vjet, në burgjet ku punohej në miniera, në nëntokë. Efektet financiare të projektligjit përllogariten përafërsisht në vlerën 4 milionë lekë për një muaj dhe do të mbulohen nga buxheti i Institutit të Sigurimeve Shoqërore.

Projekt-Ligji i plotë dokumenti PDF

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46