Shtyrja e fashës 800 kilovat për tetorin, Rama: Në nëntor do të shohim parametrat! Me buxhetin e ri do të ketë rritje pagash për zjarrfikësit, mjekët, infermierët dhe mësuesit

Kryeministri ironizoi disa nga pyetjet e qytetarëve duke i cilësuar si opinione të bazuara në llafe.

‘Opinione të bazuara në llafe, nuk ka nga ata që janë pa drita dhe paguajnë fatura. Gjithsecili që ka një faturë shërbimi të lidhur me OSHEE dhe nuk ka fatura që vijnë që vijnë kur s’ke drita fare. Ka ekzsituar në të kaluarën, nga ata që sot ça nuk thonë por e lanë Shqipërinë në humnerë.’- tha Rama

I pyetur se pse bën aktorin dhe filma Rama sërish iu përgjigj një qytetari me ironi duke thënë se nuk bën më dhe se po përballen me një situatë kritike që po çmend botën.

‘Unë nuk kam bërë heroizëm, por një gjë është e sigurt, se çdo ditë e çdo minutë unë jetoj me dhe këtë detyrë. Dhe kjo është një detyrë të rezultateve të njerëzve dhe të vendit. Inflacionin nuk e sjell unë e sjell lufta. Këtu s’bëhet fjalë as për të vjelë as për të mjelë. Këtu kemi të bëjë me një situatë kritike që po çmend gjithë botën. Unë nuk bëej filma kam luajtur në një film të Ermal Mamaqit.

Kryeministri Edi Rama në një komunikim me qytetarët online ka shpjeguar edhe një herë se pse u shty fasha 800 kilovat për konsumatorët.

'Kemi pasur dy elementë që na kanë ndihmuar ta shtyjmë, jo të heqim dorë, por ta shtyjmë vendosjen e fashës, dhe të mos e vendosim në muajin tetor. Elementi i parë është reshjet, pra kemi reshje që janë shtuar, edhe pse jo në mënyrë të konsiderueshme, por kanë shtuar kuotat në hidrocentrale dhe posaçerisht në Fierzë ku është edhe burimi i energjisë dhe elementi i dytë është një trend kursimi që ka bërë që nevoja për energji të jetë shumë më e ulët sesa parashikimi dhe duke qenë se nevoja është më e ulët se parahikimi, atëherë ne këtë nevojë mund të vazhdojmë ta përballojmë pa pasur kërcënim në aspektin financiar. Kjo është e gjitha. Dhe nëse trendi i kursimit do të vazhdojë dhe nëse edhe reshjet do të vazhdojnë, atëherë ne do ta kalojmë pa asnjë të papritur muajin tetor. Në muajin nëntor do të vendose fasha, duke pasur parasysh parametrat, ose do t’i rikthehemi këtij diskutimi përsëri duke pasur parasysh parametrat, ky është objektivi.  E dyta, është e pavërtetë që nuk janë shtuar burime të reja energjie, madje ka një të vërtetë tjetër dhe nuk dua të zjatem shumë këtu se ka shumë pyetje dhe komente, që ne kemi bërë një ndryshim shumë të rëndësishëm në kontratat e bëra me hidrocentralet private nga qeveria e mëparshme, të cilat me detyrimin e marrë nga qeveria për parablerje, sot do ta çonin shpenzimin e buxhetit, janë rreth 0.8 terra, nuk janë pak, burime të reja energjie, shpenzimin e buxhetit në pikën ku do të kishim një hap larg dhëmbët e falimentimit të shtetit.'- u shpreh Rama.

Kreu i qeverisë u shpreh se të ardhurat nga energjia elektrike përdoren për të mbrojtur qytetarët.

'Nëse ka sot një mburojë mbi çmimin e energjisë dhe nëse sot familjet shqiptare dhe biznesi i vogël nuk kanë asnjë qindarkë rritje të çmimit krahasuar me ditët dhe vitet përpara fillimit të kësaj krize që po sjell rritje marramendëse çmimesh të energjisë elektrike dhe të gazit në të gjithë Evropën, kjo vjen si rezultat i faktit që ato lekët plus që dalin nga rritja e tw ardhurave për shkak të rritjes së çmimeve përdoren për të kompensuar këtë diferencë. Ju ka ardhur fatura e energjisë, shikoni faturën e energjisë sepse kemi vënë një shënim aty. Dhe bëjeni atë shumëzim që ju kemi sugjeruar të bëni midis çmimit që ju e paguani energjinë dhe çmimit real dhe në atë diferencë është qeveria shqiptare, e cila mbron çmimin tuaj.  Është qeveria shqiptare, e cila mbron çmimin e biznesit dhe kapaciteti mbrojtjes vjen pikërisht nga fakti se ato të ardhura plus përdoren pikërisht për të mbrojtur çmimin e energjisë.'- tha Rama.

Kryeministri Edi Rama në një komunikim me qytetarët foli për disa nga tematikat më të prekura në këto kohë kur vendi ynë por jo vetëm po përballet me një  krizë të energjisë elektrike.

Sipas Ramës shumica e familjeve harxhojnë më pak se 800 kilvoat.

‘S’është e vërtetë dhe bazuar në shifra nga regjistrat e OSHEE. Familjet që harxhojnë 800 kilovat shkojnë në janar më afro 16 mijë. Kur janë 2 apo 3 kurora në  një shtëpi të madhe, më shumë se një elekroshkëpiake por po flasim për familje.’- tha Rama

I pyetur për historinë e faturave afrofe Rama u përgjigj duke thënë se kjo është një histori që i përket së shkuarës.

‘Historia e faturave afrofe është histori që i përket të shkuarës. Ka fatura të cilat vendosen sipas një mesatare të konsumit. Por dhe numri i tyre është një numër i vogël. Në të gjitha ato shumë pak raste apo keqkuptimi ka një kanal ankimimi.’- tha Rama.

Rama iu përgjigj edhe një qytetari i cili tha se vendi ynë ka mjaftueshëm burime ujore sa të sigurojë vetë energjinë elektrike duke thënë se pavarësisht këtij fakti, sërish kemi nevojë për import.

‘Ne jemi vendi me burimet ujore për energji por është e pamjaftueshme. Sepse energjia nuk vjne nga lumi në prizë apo në llambë por vjen nga sistemi i prodhimeve të energjisë. Me kapacitetet që ka sot Shqipëria nuk prodhon më shumë se 75% të maksimumit të saj që do të thotë që 25% duhet patjetër të bëhet me import. Ky është fakt. Situata e minierave është si dita me natën dhe pse ka ende punë, trajtimi i tyre s’ka të krahasuar me mesjetën e pak viteve më parë.’- u shpreh Rama.

Kryeministri Edi Rama në një bashkëbisedim me qytetarë tha se në fillim të vitit të ri do të ketë një rritje tjetër për zjarrfikësit.

‘Dua të nis me disa komente të ardhura nga disa miq të faqes të interesuar drejtpërdrejtë ose indirek, lidhur me rritjen e pagës për zjarrfikësit. Është e vërtetë që është një rritje, e cila as nuk i përgjigjet në fakt kërkesës së bërë prej tyre me të drejtë dhe as nuk i përgjigjet objektivit tone. Sepse është një rritje për këtë tre mujor, ndërkohë që me buxhetin e ri do ketë për zjarrfikësit një tjetër rritje, siç do të ketë edhe për mjeket dhe infermierët, mësuesit. Kështu që, dua t’ju them të gjithë punonjëseve zjarrfikës dhe familjeve të tyre që jam absolutisht dakord me këtë shprehje pakënaqësie apo pasigurie, ndoshta ngaqë nuk e kemi shpjeguar si duhet se ky është vetëm hapi i parë në këtë fundviti për të filluar si për të gjitha kategoritë e tjera për të cilët rritëm pagat dhe ndërkohë menjëherë me buxhetin e ri, ashtu siç do të parashikojmë edhe një tjetër rritje për të vazhduar të përballojmë inflacionin  e luftës për pensionistët, do të kemi një rritje siç thashë për zjarrfikësit, për mësuesit, mjekët, infermierët siç e kemi edhe në programin tonë rritjen e përvitshme.   Atëherë fillojmë me pyetjet, i kemi faktikisht të ndarë në dy temat kryesore dhe më të nxehta edhe të ditëve të fundit, që është tema e energjisë dhe tema e operacionit ndëshkimor për metrat katror pa leje për qëllim fitimi.’-u shpreh Rama.