Rama batuta në Kongresin e PS: Helena do jetë kryetarja! Dëshmitar Pandi i pavdekshëm, ua gjen varret të gjithëve në Sharrë e Tufinë se është mik me lali Erin

Kryeministri Edi Rama nuk i kurseu batutat në Kongresin e PS, ku vlerësoi edhe 19-vjeçaren Helena Kaçe e cila hapi Kongresin me fjalën e saj. Rama tha se do jetë udhëheqësja e PS, e për këtë tha se dëshmitar do jetë Pandeli Majko, i vetmi i pavdekshëm në PS. Madje me batuta, Rama tha se Majko i përcjell të gjithë dhe ua gjen varret aty ku do në Sharrë e Tufinë, se është mik me lali Erin.

“Me shumë gjasë do jesh këtu ku jam unë, udhëheqëse e PS. Me këtë që të thash sapo ta kam hapur një problem, se nga ky moment ti hyre e panjohur dhe kur të dalësh do kesh shumë sy që s’do të shikojnë me dashamirësi, këtë konsideroje si favor, meqë the se s’ke pasur asnjëherë një favor. Kush nuk ka shumë kundërshtarë dhe nuk përballet me kundërshti të mëdha në rrugën e vet, nuk ngjitet dot në majë. Do kem dëshmitar Pandi Majkon kur të mos jem më, se është i vetmi i pavdekshëm. Kur helena të bëhet kryetare, Pandi do dëshmojë para gjeneratës X, e ka thënë dikur njëri nga ata, më duket ishte Edi Rama, se kushedi sa mund të ketë përcjellë në Sharrë dhe Tufinë se është mik me Lali Erin dhe u gjen varret aty ku do”, tha Rama.

Lajmi kryesor:

Kongresi i PS/ Rama: Kush fut duart te xhepat e shqiptarëve, adresën e ka te SPAK! Rinovojmë skuadrën për zgjedhjet 2025! Mesazh ‘tradhtarëve’

SI.E./Shqiptarja.com

TAG:
• spak
• kongresi i ps
• edi rama