POP 5

Lajmet më të lexuara të 5 minutave të fundit

Politikë

Rama: Brenda 100 ditëve të para
qeveria e re fund burokracisë

Nga Velipoja ku po zhvillon mbledhjen me kabinetin e ri, Rama ka marrë vendimin e dytë të qeverisë. E ndërsa në Vlorë u vendos që 2018 të jetë “Viti i Skënderbeut”, në Velipojë Rama së bashku me ministrat ka vendosur objektiv, që brenda 100 ditëve të para të kabinetit të ri të marrë fund burokracia në zyrat e shtetit. VIDEO
Rama: Brenda 100 ditëve të para<br />qeveria e re fund burokracisë
Kryeministri Rama drejtoi mbledhjen e dytë informale te qeverise së re në Velipojë, ku u diskutuan me detaje pikat e vendosura në mbledhjen e parë të zhvilluar në Llogara, si dhe u përcaktuan objektivat e 100 ditëshit të parë të punës së qeverisë së re.
 
Pika kryesore e diskutimit ka qenë raportimi i cdo ministrie mbi burokracitë e vërejtura deri më tani dhe se si mund të shmangen ato për të lehtësuar shërbimet ndaj qytetarëve.
 
Në përfundim të ditës së parë të kësaj mbledhjeje që vijon edhe të enjten, kryeministri Rama ka bërë publike një të dhënë interesante të raportuar nga ministrat.
 
“Guinness: Në 1 vit burokracia shqiptare kërkon 4.5 milion çertifikat. Konsum skandaloz kohe, lekësh, nervash që do mbarojë me qeverinë e re. Në çdo rast kur i duhet çertifikata e qytetarit, për të dhënë një shërbim burokracia duhet ta sigurojë vetë. Kjo do të bëhet realitet, brenda 100 ditëve të para të mandatit të ri”shkruan Rama në Facebook.
 
Pas statusit, nuk munguan dhe batutat me kryeministrit dhe ndjekësve të tij online për kryebashkiaken e Shkodrës Voltana Ademi.
 
“Më vjen mirë që Voltana më uroi mirose ardhjen. Do më vinte më mirë po të më prezantonte ndonjë projekt për shkodran, pasi listat me dëshira e i bëjnë kalamajtë që presin babagjyshin e vitit të ri”.
 
Burime nga mbledhja bëjnë me dije se ministrat janë në duke bërë saktësimet e fundit të kompetencave të tyre, programit qeverisës si dhe të shpërndarjes së godinave ku do të vendosen ministritë.
 
Një pikë ku është ndalur gjatë është fati i administratës, e cila me shkrirjen e 6 ministrive do të ketë reduktime.
 
Në mbledhje është vendosur gjithashtu, që të gjitha ministritë që mbulojnë më shumë se një fushë, të kenë zëvendësministra me profil dhe përgjegjësisë të spikatur në këtë drejtim.
 
Pra, psh. tek ministria e Jashtme që mbulon edhe Integrimin, do të ketë një zëvendësministër për diplomacinë dhe një për çështjet e integrimit.

dy.b/shqiptarja.com


 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

24 Nëntor, 14:52