POP 5

Lajmet më të lexuara të 5 minutave të fundit

Politikë

Rama citon Barack Obamën, ja mesazhi i kryeministrit për studentët

Kryeministri Edi Rama vijon të ritheksojë nevojën për të dialoguar me studentët për tetë kërkesat e parashtruara. Këtyre të fundit iu bën thirrje përmes një shprehjeje të ish-presidentit amerikan Barack Obama që të heqin dorë nga refuzimi për bashkëbisedim, pasi sipas tij nuk do t'u sjellë asgjë të mirë.

Rama citon Barack Obamën, ja mesazhi i kryeministrit për studentët

Kryeministri Edi Rama

Kryeministri Edi Rama ka publikuar këtë të shtunë në rrjetin social “Instagram” një shprehje të ish-presidentit amerikan Barack Obamës, që lidhet drejtpërdrejtë me situatën aktuale në vend. Duke iu drejtuar studentëve të cilët pezulluan ditën e djeshme protestën e tyre prej më shumë se dy javësh ndërkohë që paralajmëruan edhe rikthimin në janar, Rama citon: Nëse mendoni se shkollimi është i shtrenjtë, shikoni sa shumë do t’ju kushtojë injoranca.

Përmes kësaj shprehjeje, Rama rithekson edhe njëherë nevojën për të dialoguar dhe konsideron refuzimin e bashkëbisedimit si një vendimmarrje që buron nga injoranca.

Dita e premte (21 dhjetor) ishte dita e 17 e protestës së studentëve, të cilët që prej fillimit të saj kanë kërkuar plotësimin e tetë kërkesave. Ndonëse kryeministri Edi Rama deklaroi se në janar shteti do të mbulojë 50% të tarifës për studentët e bachelorit e më tej publikoi edhe “Paktin për Universitetin”, ku garantohej plotësimi i pikave të parashtruara, një pjesë e studentëve sërish janë shprehur se nuk do të ulen në një tryezë të përbashkët me kryeministrin në rast se ky i fundit nuk do të plotësojë kërkesat. (Lexo këtu)

Postimi i kryeministrit Edi Rama në rrjetin social "Instagram"

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë

22 Korrik, 23:02