Masat lehtësuese/ Rama: 90 minuta për pazare me makinë! Hapen më shumë biznese, por i sekuestrohet makina dhe malli për shkeljet

Kryeministri Edi Rama ka postuar një video në Facebook nga gjobat që ka vendosur sot policia për të pabindurit që kanë dalë nga shtëpia pa autorizim ndërsa u drejtohet me një tjetër apel qytetarëve. "U lutem të gjithë qytetarëve që lëvizin gjatë ditës në qendrat urbane të mos dalin pa autorizim! Shumica dërrmuese janë super korrekt dhe kështu duhet të jenë të gjithë! Masat e reja ndëshkimore, të cilat duhet të garantojnë nismat e mëpasme lehtësuese, do të jenë shumë të forta, por uroj të mos e pësojë as edhe një, prandaj ju lutem të gjithëve korrektesë. Po bëjmë diçka që do të mbajmë mend si një mrekulli, nëse do të dimë të rezistojmë kështu deri në fund" shkruan Rama.

Kryeministri Edi Rama ka prezantuar ditën e sotme masat e reja lehtësuese dhe ndëshkimet që do të shoqërohen në rast se dhe do të thyhen rregullat.

"Marrjen e automjeve nga familja apo edhe nga persona të tjerë do të ndëshkohet me disa vite, kjo është për t'u caktuar të heqjes së patentës me sekuestrimit të po aq viteve të makinës dhe heqje lirie. Marrjen në makinë të një pensionisti do ndëshkohet gjithashtu. Do hapin orarin e lëvizjes për të bërë pazar, do ë bëjmë 90 minuta dhe kryerja me automjet e privatit e pararit do të jetë e mundur, por me ndëshkime të mëdha. Hapja e aktivitetit të ndaluar do dënohet me burg, heqje patente, sekuestrim të makinës dhe sekuestrimin e gjithçkaje që ka aty brenda. Nuk ka rrugë tjetër, masat duhen lehtësuar pak nga pak për 99.9% të njerëzve që respektojnë rregullat që sakrifikojnë, që mbajnë fëmijët brenda, që përkujdesen për të moshuarit, që orën e lejuar e përdorin edhe për prindërit t'i çojnë ushqime, për të shkuar e kthyer nga puna. Nuk bëhen për këta që hapin lokalet, dhe këta nuk duhet të marrin mesazhin e gabuar që u hap loja. Duam të lehtësojmë më tutje aktivitetet në njësi individuale në dyqane njësi shërbime, jo lokale, palestra, që nuk janë njësi tregtare brenda qendrave të mëdha tregtare që do të vazhdojnë të jenë mbyllur. Kush ka njësi të tilla të përgatiten të pajisin me maska, doreza me dizinfektantë për klientët, njësitë e tyre. mosrespektimi i këtyre masave do të dënohet me konfiskim të gjithçkaje ka brenda, me mbyllje për një farë kohe, dhe heqje lirie, nuk kemi rrugë tjetër".Po ashtu jemi duke studiuar hapjen e orarit, shtrirjen e fashës orare. Fasha orare është e diskutueshme dhe i qëndroj bindjes që nuk është problemi fasha e orarit. Por të gjitha këto do të jenë masa që janë gati por do të jenë të përshkallëzuara me pikatore.Jemi në momentin që po ngjisim majën e kodrës dhe do të na thonë ekspertët se çfarë dhe si do të bëjmë". Nuk ka gjobë për ata që janë në punë pas orës 13:00, e kemi thënë dhe stërthënë. Nuk do të dilni ju pensionistët, thjesht do kërkoni mbështetje për të kryer pazaret", tha Rama.

Kryeministri Edi Rama paralajmëron lehtësimin e masave kufizuese, nisur nga panorama ndryshe që pa sot në tregun e Kombinatit, ku të detyruar nga sinjalistika, qytetarët respektuan distancimin social.

"Vetëm disiplinimi i plotë këtë javë na hap shtegun për lehtësimet me pikatore. Brenda ditës sot gati rritja e ndëshkimeve, që i hap rrugë lehtësimeve shkallë-shkallë në vijim", shkruan Rama në Facebook, teksa poston fotot nga tregu i Kombinatit.

Policia dhe ushtria u stacionuan në këtë treg që shfaqi problematika gjatë javës së shkuar me grumbullime qytetarësh pa masa mbrojtëse kundër COVID-19. Rama tha se pikërisht kjo situatë u bë shkak që ai të shtynte për pas ditës së hënë lehtësimet me pikatore siç ai u shpreh, duke zgjatur fashën orare të lejuar për të dalë, duke rritur numrin e automjeteve që mund të marrin autorizim dhe fashën orare, dhe zgjerimin e listës së bizneseve që mund të qëndrojnë hapur. 

Por këto masa lehtësuese do të shoqërohen me rritjen e masës administrative, deri në burg për shkelësit përsëritës.