Rama në Bruksel: Shqiptarët
meritojnë integrimin, Pushteti jo

TIRANE-  ‘Pushteti i sotëm se meriton statusin, por Shqipëria e shqiptarët padyshim që po”. Është mesazhi që kreu i PS-së përcolli në Bruksel, ku zhvilloi një sërë takimesh me zyrtarë të lartë të Bashkimit Europian por dhe u hap ekspozita hartografike për 100 vjetorin e pavarësisë. Duke komunikuar nëpërmjet rrjetit social Tëitter kryetari i PS-së cilësoi hapjen e ekspozitës si “një sukses të vërtetë. Mbi 200 vetë ishin të pranishëm mes tyre 2 zv.Presidentë të Parlamentit dhe eurodeputetë nga gjithë spektri.”

Në sallën e ekspozitës u ekspozuan 47 ekzemplare hartash nga shekulli II në shekullin XIX me hartën e Europës pa kufij dhe Rama falënderon dy kuratorët e saj Artan Shkreli e Artan Lame. “Miq të mirë e shumë të pasionuar pas trashëgimisë sonë kulturore.”- thotë Rama.

”Mesazhi kryesor që përcolla edhe këtu: Pushteti i sotëm s'e meriton statusin,po Shqipëria e shqiptarët padyshim po!”- shkruan Rama në Tëitter duke informuar se në ceremoninë e hapjes së ekspozitës morën pjesë Miguel Martinez, zv presidenti i Parlamentit evropian, Libor Rucek, Zita Gurmai, Tanja Fajon, Eduard Kukan. Salla e ekspozitës ku u ekspozuan 47 ekzemplare hartash nga shekulli II në shekullin XIX me hartën e Europës pa kufij. Edhe eurodeputetja Tanja Fajon në profilin e saj në facebook përshëndeti Shqipërinë për 100 vjetorin e pavarësisë së saj.
Gjatë ditës së djeshme Rama takoi komisionierin për Zgjerim e BE-së, Stefan Fyle.

Fyle citohet të jetë shprehur se Shqipëria ka një perspektivë reale në rrugën e integrimit evropian, me kusht që vendi duhet të sigurojë qëndrueshmërinë e dialogut politik dhe të japë rezultate konkrete në 12 prioritetet kyçe të Opinionit të Komisionit. Në profilin e tij në Tëitter Rama u shpreh optimist pas takimit. “Takim inkurajues me Komisionerin e Zgjerimit. Dëgjuam fjalët më të mira për rolin tonë e kërkuam statusin për Shqipërinë”. Në ekspozitë të pranishëm ishin dhe deputeti socialist Taulant Balla dhe kryetari i bashkisë së Korçës, Niko Peleshi.
(sg/shqiptarja.com)

TAG:
• artan shkreli