Rama në Elbasan: Pijanecët bllokojnë rrugën, kush i tha Lulit që kështu merret pushteti?

Kryeministri Edi Rama i qëndron mendimit të tij se "Bindja Demokratike" është krijuar nga Sali Berisha. Ai nuk i ka kursyer ironitë, sipas së cilit është një skenar i Berishës, që të mos dalë krejtësisht i humbur nga zgjedhjet e 30 qershorit.

 “Skuadra që i fitojnë të gjitha ndeshjet s’ka, por kampionët dijeni se fitojnë gjithmonë në fund. Ata që s’dalin dot kampion kanë zgjedhur të dalin nga stadiumi. Mos kini frikë për trazira, maksimumi që bëjnë këta është ajo që bëri profesori sot, për turpin e atyre që i kanë dhënë gradën profesor. Ne nuk jemi parti rrugore, në 30 qershor do marrim përsipër të vazhdojmë më tutje rrugën për Elbasan dhe gjithë baskitë. Ka dalë edhe partia më e re e Saliut. Futu ti i tha Patozit, të jemi 50% me 50% në rast se bie Luli nga pema”,- tha Rama

Me batuta dhe ironi për kundërshtarët politik është karakterizuar takimi i Ramës dhe qytetarët e Elbasanit. Në qendër të batutave ishte pa dyshim kryedemokrati Lulzim Basha dhe kryetarja e LSI, Monika Kryemadhi.

"Unë mund të merrem me Lulin, po atë se lë 'falllxhorja'. Unë i them hajde, ajo i thotë"jo, jo". Fallxhorja e mbyti Lulin me kafe turke, pije i thotë se “E po ulet poshtë dhe L po ngrihet”. Është rrritur konsumi i kafes turke në SHQUP", u shpreh Rama. 

Kryeministri Edi Rama ka sjellë në vëmendje marrëveshjen e 17 majit, me kryedemokratin Basha, sipas së cilit një gjë e tillë nuk do të ndodh më. Ai tha se PS pranoi të sakrifikonte, për të mirën e Shqipërisë, por një gjë e tillë sipas tij, është keqpërdorur nga Basha.

"U mësua keq Basha. Ishte momenti për të mirën e vendit, për prespektivën europiane, ne të sakrifikonin diçka, që të mos e paguante Shqipëria. Pasi i mori të gjitha ato që kërkoi dhe pasi tha fjalën se nuk do të kontestonte zgjedhjet, u mësua keq . Pse është kopsht pa drekë tani? Kush bërtet më shumë merr lodrat? Imagjinoi ku janë katandisë ato. Pashë profesor Spahon, festonte fitoren e Ajaxin sikur kishin mundur PS, sepse unë jam me Juventusin...dhe ku qëlloi që fitoi Ajaxi atë ditë që u bë ajo e Hollandës. Ajaxi fitoi me lojë të bukur, nuk fitoi duke djegur gomat, nuk tha ne nuk hymë në fushë, po nuk hoqët Ronaldon në shtëpi", u shpreh Rama. 

Blerja e votës, ka qenë një tjetër temë në të cilën është ndalur kryeministri Rama, Me ironi dhe batuta, Rama drejtoi sërish gishtin nga LSI, sipas së cilit është partia që i ka blerë votat në zgjedhje.

"Keni fallxhoren deputete, e mishit nuk e keni më, do t’ju hapi filxhanin do t’ju thotë e keni një rrugë jashtë shtetit po nuk më votuat mu, le ta cojë dorën njëri se nuk e ka pas frikë se do i vinte fallxhorja e do i vidhte votën. Këtu ja ardh profesori bashkë me Lulin që ju thoshte mos ia shisni votat shpk, tani u bënë me fallxhoren bashkë, e keni parë, thotë e kam parë në filxhan, Edi Ramës do i ndodhë diçka e keq, infarkt, spital, është në Gjermani, këtu e atje, për dreq unë i dal prapë përpara, do i ndodhë në mars, maj, do vijë nëntori e dhjetori. A e kuptoni se ku ka shkuar muhabeti, ndërkohë që ca të bëjmë, ja ma thoni, ca të bëjmë t'u themi hajdeni prapë merrni ca të doni, pse këtë muhabet do bëjmë ne sa herë kemi zgjedhje”- tha Rama.