Kreu i qeverisë, Edi Rama udhëton sot drejt Britanisë, kudo të zhvillojë vizitë 3 ditore. Në takimin me kryeministrin Rishi Sunak, në fokus të bisedimeve pritet të jenë edhe emigrantët shqiptarë që futen ilegalisht përmes gomoneve.
Gazetarja Anila Kadija foli për Report Tv duke thënë se takimi i kryeministrit mirëpritet nga emigrantët. Ajo shtoi shqiptarët nuk kanë sindikatë në Londër, por vetëm organizime shoqërore që funksionojnë në mënyrën më të mirë. Në intervistë për ‘Sot, live në Shqipëri’ me gazetarin Nertil Agalliu tha se në organizimet e tyre marrin pjesë edhe kryetarë bashkish, të cilët nuk do t’i mbështesnin nëse ishin grup kriminelësh.
“Ne nuk kemi sindikatë, thjesht organizime shoqërore që funksionojnë shumë mirë. Londra është shumë e madhe kështu që edhe shoqatat janë të shtrira në shumë pjesë gjeografike por përfaqësojnë gjuhën e kulturën. Vetë përfaqësuesit e shtetit marrin pjesë në organizimet. Sa herë që organizohen gjëra të ndryshme për shkollat shqipe në Londër, kemi midis nesh kryetarët e bashkive. Nëse do ishim komunitet kriminelësh, nuk do ishin as kryetarët e bashkive mes nesh”, tha Kadija.
Po ashtu, Kadija u shpreh se problematikën e fluksit të emigrantëve që kalojnë kanalin e La Manshit duhet ta zgjidhë Franca me Anglinë. Faktin që i drejtohen shqiptarëve si kriminelë, Kadija thotë se i kujton vitet e emigrimit në Itali kur i cilësonin njësoj sic bëjnë sot në Britani.
“Duke qenë se është rritur numri i emigrantëve, është një problematikë që shtetet duhet ta zgjidhin mes tyre. Mendoj që është mes Francës dhe Anglisë. Shqiptarët lëvizin të lirë drejt zonës Shengen. Në momentin që arrijnë në kufirin e Francës me Mbretërinë e Bashkuar, atëherë lind pyetja e madhe pse janë kundra ligjit. Më kthehet një retorikë diskriminimi që e kam përjetuar në vitet e parë të emigracionit në Itali. Atje nuk thoje dot që je shqiptar se të thonin kriminel. E njëjta është krijuar edhe në Mbretërinë e Bashkuar.
Nëse neve vetë si komunitet jemi punëtorë, njerëz që i kemi mësuar mirë rregullat, s’kemi pse të kemi frikë e tërheqje ndaj familjeve tona e fëmijëve tanë pse Suela tha atë shprehje. Ashtu ishte konteksti politik në atë moment, s’po përballonin dot situatën dhe përmendën fluksin emigrator. Kemi nevojë që shteti shqiptar të mbrojë të drejtat e komunitetit shqiptar”, tha Kadija.
Çështja e emigrimit të shqiptarëve në drejt Britanisë së Madhe pati nxitur një debat të madh, për shkak të deklaratës së ashpër të sekretares së Brendshme Britanike Suella Braverman, e cila i cilësoi shqiptarët që shkojnë drejt Britanisë me gomone, si kriminelë dhe pushtues. Kjo nxiti edhe reagimin e madh nga ana e shqiptarëve në Britani të Madhe, të cilët organizuan edhe protestë të madhe në Londër, ku i kërkuan që Braverman të kërkonte ndjesë për deklaratën.
Intervista e plotë
Komente
Lajme të tjera
-
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10
boll i perdoret sic keni qejf fjalet e Braverman ,ju e dini shume mire se kujt i referohej ajo ....
Përgjigju