Zhupa: 144 punonjës të shkarkuar nga RTSH, nuk është portali i Alfred Pezës! Televizioni mbahet me taksat e shqiptarëve

Deputetja e PD, Ina Zhupa sërish në Kuvend foli për shkarkimet nga RTSH, ndërsa anëtari i Këshillit Drejtues po raportonte për veprimtarinë e vitit 2023. Zhupa tha se janë 144 shkarkime, ndërsa akuzoi drejtorin Alfred Peza se po e trajton RTSH si portalin e tij, që mund të punësojë kë të dojë.

“E kishin të pamundur të përgjigjeshin për shkeljet e Alfred Pezës. Atje ndodhet në mënyrë të paligjshme, anëtarët e Këshillit Drejtues që sot kërkojnë ndryshimin e statutit, kanë shkelur ligjin me vetë dije për të zgjedhur Pezën. Ai mendon se RTSH u kthye në Alpe News dhe mund të punësojë e të heqë nga puna kë t’i dojë qejfi. RTSH nuk është portali i Pezës në një kat pallati ku mund të punësonte kë të dojë. Është tv që mbahet me taksat e shqiptarëve, 144 shkarkime, janë 144 padi të mundshme për RTSH. Ndocaj se pranoi dot se 46 procese janë në Gjykatat e Tiranës. Janë kosto që do paguhen nga taksat e shqiptarëve. Janë shkarkuar pse kishin makinë të shtrenjtë, pse nuk sillnin 4 karrige në mbledhje”, tha Zhupa.

LEXO EDHE:
Këshillit Drejtues i RTSH kundër Elhaida Danit si drejtoreshë e Festivalit të Këngës! Anëtari raporton në Kuvend, opozita debate: Keni shkarkuar 144 punonjës

Lajmi kryesor:

Këshillit Drejtues i RTSH kundër Elhaida Danit si drejtoreshë e Festivalit të Këngës! Anëtari raporton në Kuvend, opozita debate: Keni shkarkuar 144 punonjës

SI.E./Shqiptarja.com

TAG:
• gazment bardhi
• Ina Zhupa
• engjell ndocaj
• rtsh
• kuvend