POP 5

Lajmet më të lexuara të 5 minutave të fundit

Ekonomi

Rënia e të ardhurave në vend nga pandemia, Banka Botërore: Më e lartë se 11%

Prodhimi i Brendshëm Bruto i vendit sipas Bankës Botërore do të ulet me 11% këtë vit si pasojë e pandemisë. Në vlerësimin e fundit institucioni ndërkombëtar pret që varfëria të rritet deri në 5% dhe të ulen të ardhurat për frymë. Nga ana tjetër banka thotë se duhet rritur menaxhimi i financave publike.

Banka Botërore ka rishikuar parashikimin e saj për recesionin ekonomik që rrezikon të përfshijë vendin si pasojë e pandemisë COVID-19. Institucioni financiar ndërkombëtar pret që ekonomia e Shqipërisë të bjerë me më shumë se 11% këtë vit.

“Ngrirja e pjesëve të mëdha të ekonomisë për shkak të pandemisë ka zhytur Shqipërinë në recesion, duke çuar në një rishikim në rënie të parashikimit për ekonominë e Shqipërisë me më shumë se 11 pikë përqindje për vitin 2020”, thuhet në vlerësimin e BB.

Ndërkohë një rënie e tillë ekonomike do të përkthehet edhe në më pak të ardhura për frymë tek qytetarët. Sipas vlerësimit të Bankës Botërore varfëria në vend do të rritet mbi 2%, dhe më shumë se 36% e popullsisë do të jetojë me më pak se 5.5 dollar për frymë në ditë.

“Banka Botërore vlerëson se, edhe me politikën aktuale me masa mbështetëse, shkalla e varfërisë në Shqipëri do të rritet me 2 deri në 5 %”, thuhet në vlerësim.

Fillimisht banka botërore parashikojë një rënie ekonomike më të lehtë prej 5% në skenarin bazë dhe -7% në skenarin më pesimist, por me zhvillimet e fundit parashikimet kanë ndryshuar. Sipas saj në një situatë të tillë borxhi do të kapërcejë në 80%, e për këtë arsye duhet forcuar aftësia për të mbledhur të ardhurat.

Të gjitha detajet bëhen të ditura në raportin e kërkesës së kredisë nga Banka Botërore nga qeveria shqiptare në vlerën e 80 milionë dollarëve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57