Revolta e Spaçit, Basha: Shqipëria është në pikën më kritike të saj

Revolta e Spaçit, Basha: Shqipëria është në pikën më kritike të saj

Kreu i Partisë Demokratike, Lulzim Basha

Kreu i Partisë Demokratike, Lulzim Basha, përmes një statusi në rrjetin social, Facebook ka reaguar lidhur me revoltën e Spaçit, ku sot shënon plot 45 vjet. Basha ka kujtuar  burgosjet, torturat e shqiptarëve, të cilët u dënuan mizorisht nga sistemi i diktaturës komuniste të asaj kohe.

45 vjet më parë, në burgun famëkeq të Spaçit, në kulmin e diktaturës komuniste, një grup shqiptarësh dhanë një provë madhështore tëmbijetesës, qëndresës dhe shpresës. Atëherë kur retë e zezë të diktaturës kishte mbuluar Shqipërinë, e nuk kishte më shpresë e besim se një ditë do të kishte liri, burrat trima brenda burgut të Spaçit ngritën krye.

Me kurajo të paimagjinueshme, ata morën për dy ditë nën kontroll burgun, ata treguan se liria fitohet dhe mbahet vetëm me sakrificë. 45 vjet pas revoltës së Spaçit Shqipëria është në pikën më kritike të saj! Xhelatët e Spaçit dhe pasardhësit e tyre, qeverisin vendin bashkë me krimin dhe po ia vrasin pak nga pak çdo ditë lirinë dhe shpresën shqiptarëve.

Pasardhësit e krimit komunist në bashkëpunim ne krimin e organizuar dhunojnë lirinë e zgjedhjes, dhunojnë lirinë e pronës, vjedhin dhe shkatërrojnë çdo ditë shpresën që shqiptarët të jetojnë me dinjitet në vendin e vet, dhe kështu po e izolojnë Shqipërinë duke na mbyllur derën e Perëndimit, dhe duke u kthyer në pengesën e vetme për Shqipërinë si gjithë Europa!

Ka ardhur koha që shqiptarët të vendosin, nëse do të lejojnë pasardhësit e xhelatëve të Spaçit të na sundojnë nën fasadën e demokracisë apo do të ngrihemi të gjithë bashkë për të çliruar vendin nga bashkëqeverisja me krimin!
Partia Demokratike është gati ta udhëheqë dhe ta fitojë këtë betejë bashkë me shqiptarët që nuk duan ta lënë të ardhmen e fëmijëve të tyre në duart e krimit!

Së bashku e udhëhoqëm dhe e fituam betejën për të larguar nga parlamenti dhe qeverisja vrasësit, trafikantët, përdhunuesit! Së bashku ia dolëm të ndërgjegjësojmë SHBA dhe Bashkimin Europian se nën drejtimin e Edi Ramës, Shqipëria u kthye në vendin kryesor të prodhimit dhe trafikut të drogës, se Ministri i tij i Brendshëm, Saimir Tahiri ishte pjesë e trafikut ndërkombëtar të drogës! Tani shqiptarët dhe mbarë bota kanë parë se si Ministri aktual i Brendshëm me mbështetjen e Kryeministrit, mundësonte, mbronte dhe tani mbulon veprimtarinë kriminale të vëllait të tij, bos i trafikut të drogës në Vlorë.

Nuk ka një ditë më domethënëse se 45 vjetori i revoltës së Spaçit, për të ftuar çdo shqiptar që e do Shqipërinë të lirë nga diktatura e krimit, që e do drejtësinë e vërtetë ku të gjithë janë të barabartë para ligjit, që do ta çlirojë shpresën dhe ëndrrën për Shqipërinë Europiane nga qeveria më anti-europiane,  të bashkohemi të shtunën në protestën kombëtare të 26 Majit! Është koha të mos e lëmë më fatin tonë në duart e krimit! Nderim përjetë Heronjve Kryengritës të Revoltës së Spaçit! Zoti bekoftë shpirtin e tyre dhe çdo shqiptar që ngrihet kundër së keqes! Zoti e bekoftë Shqipërinë!

Lulzim Basha

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mati: 22/05/2018 10:11

    Shqiperia dhe shqiptaret,mund te bejne gabimin fatal,nese i bashkohen "Protestes kombetare", siç e quajne organizuesit fatel,per rrenimin e te arriturave dhe ecjes se natyrshme te intergrimit te Shqiperise ne BE,Ky fatalitet"Protesta kombetare" Kerkon rikthimin e kaosit ne Shqiperi,varferise qe ju dhuruan shqiptareve,vrasjet dhe krimet qe organizuan dhe kryen mbi shqiptaret, si ishte tete vjetet e sundimit te organizueseve te kesaj proteste fatele. Shqiperine dhe jeten shqiptare.

    Përgjigju
  • Maminasi: 21/05/2018 22:40

    O zoti Basha Zoti e bekoft Shiperine por jo me halera si stani yt qe po qendis sumbas kokes tende te erret .

    Përgjigju
  • Xoni: 21/05/2018 22:28

    Ku je mer cub spaci

    Përgjigju
  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Në dashuri keni suksese të vogla... horoskopi për ditën e sotme

Në dashuri keni suksese të vogla... horoskopi për ditën e sotme