POP 5

Lajmet më të lexuara të 5 minutave të fundit

Ekonomi

Riciklimi, krijohet Agjencia Kombëtare e Ekonomisë së Mbetjeve, synohet nxitja e ekonomisë qarkulluese

Pas inceneratorëve, qeveria ka kthyer vëmendjen tek riciklimi i mbetjeve, si një metodë për të nxitur ekonominë qarkulluese. Me vendim të qeverisë është ngritur Agjencinë Kombëtare të Ekonomisë së Mbetjeve synohet që të përhapet riciklimi i mbetjeve, nga incenerimi që përdoret aktualisht me qëllim që të prodhohet energji.

Menaxhimi i mbetjeve në Shqipëri pritet të marrë një tjetër drejtim. Nga inceneratorët, menaxhimi i tyre duket se do të kthehet tek riciklimi, me qëllim që trajtimi i mbetjeve të krijojë ekonomi qarkulluese.

Qeveria ka vendosur të krijojë Agjencinë Kombëtare të Ekonomisë së Mbetjeve, e cila është strukturë që do të mbështetet me fonde të buxhetit të shtetit dhe do të jetë në varësi të Ministrisë së Turizmit dhe Mjedisit.

Në vendimin e Këshillit të Ministrave thuhet se agjencia ka si mision të sigurojë: “Promovimin dhe nxitjen e zbatimit të hierarkisë së mbetjeve për zhvillimin gradual të grumbullimit përmes ndarjes në burim e riciklimit në shkallë të gjerë dhe monitorimin e implementimit të standardeve dhe edukimin mjedisor, në përputhje me kompetencat e përcaktuara në këtë vendim dhe dispozitat në ligjin përkatës për menaxhimin e integruar të mbetjeve”.

Përmes kësaj strategjie, synohet që të përhapet riciklimi i mbetjeve, ndërkohë që aktualisht trajtimi i integruar i mbetjeve ka qenë i fokusuar drejt incenerimit (djegies) me qëllim që të prodhohet energji.

Kjo agjenci do të koordinojë punën në bashkëpunim me bashkitë, institucionet e tjera dhe partnerët ndërkombëtar për të realizuar menaxhimin e integruar të mbetjeve, me qëllim kalimin e këtij sektori në ekonomi qarkulluese.

Po ashtu në vendim thuhet se agjencia do të organizojë punën për edukimin mjedisor, promovimin dhe nxitjen e zbatimit të hierarkisë së mbetjeve për zhvillimin gradual të grumbullimit përmes ndarjes në burim e riciklimit në shkallë të gjerë.

Riciklimi është përpunimi i mbetjeve për të krijuar produkte të reja me qëllim që të parandalohet krijimi i mbeturinave nga materialet të cilët mund të ripërdoren. Kjo gjë sjellë më pak përdorim të lëndëve të reja të para, redukton ndotjen e mjedisit si dhe zvogëlohet përdorimi i energjisë,

Riciklimi është aktivitet kyç i  mënyrës bashkëkohore të zvogëlimit të sasisë së mbeturinave dhe aktiviteti i tretë në hierarkinë “Redukto, Ripërdor, Riciklo”.

Për të realizuar një proces efikas të riciklimit, është domosdoshmëri ndërgjegjësimi i popullatës për të pasur ndarje në burim të mbetjeve, pra të ndahet plastika, nga kartoni apo nga metali apo plehra të tjera.

Më pas mbetjet merren dhe dërgohen në qendrën e riciklimit, ku nis procesi i seleksionimit të llojeve të mbeturinave me qëllim që të fitohet lënda e parë nga e cila mund të bëhen produkte të ndryshme ose mjete të cilat mund të përdoren në jetën e përditshme. 

Agjencia do të asistojë në të gjitha hallkat e trajtimit të mbetjeve, deri tek stacionet e riciklimit dhe deri tek kompostimi. Në këtë vendim nuk përmendet në asnjë pikë incenerimi i mbetjeve që shkalla e fundit e hierarkisë së mbetjeve.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça