TIRANË- Është zhvilluar dita e 27-të e protestës së banorëve të Astirit tek Unaza e Re. Banorët u mblodhën për të protestuar si zakonisht në orën 17:00 duke bllokuar rrugën në të dyja akset e saj për më shumë se një orë.
Ndaj bllokimit të rrugës, kanë reaguar drejtuesit e mjeteve, të cilët prej disa minutash i kanë rënë borive duke kërkuar lirimin e rrugës nga protestuesit.
Lulzim Basha në mbështetje të protestës së banorëve të Astirit
Në mbështetje të banorëve, ka qënë kreu i Partisë Demokratike, Lulzim Basha dhe deputetë të tjerë nga PD-ja dhe nga LSI-ja. Në fjalën e tij, Basha ka denoncuar faktin që ndaj banorëve sipas tij po ushtrohet terror psikologjik.
Protesta e banorëve të Astirit është mbështetur nga Partia Demokratike dhe kryetari Lulzim Basha prej disa ditësh. Banorët kundërshtojnë ndërtimin e Unazës së Madhe të Tiranës, pasi sipas tyre ky projekt prek shtëpitë e tyre. ARRSH ka sqaruar se banesat për të cilat kundërshtojnë banorët janë të palegalizuara, ndërkohë që Bashkia Tiranë ka ofruar zgjidhje për ta, bonusin e qirasë dhe strehimin nëpër banesa sociale. Protesta zhvillohet në një kohë kur IKMT vazhdon shembjen e banesave dhe pastrimin e zonës për të bërë të mundur nisjen e punimeve.
Banorët e zonës së Unazës së Re kanë hapur rrugën që kishin bllokuar prej më shumë se një ore. Tashmë është kthyer në traditë që banorët mblidhen çdo ditë në orën 17:00 dhe për një orë bllokojnë rrugën në shenjë revolte në prishje të shtëpive të tyre.
Drejtuesit e mjeteve prej disa minutash i bien borive të makinave të tyre, si shenjë kundër bllokimit të rrugës nga banorët e zonës së Astirit. Protestuesit kanë bllokuar dy akset e rrugëve duke e bërë të pamundur kalimin e automjeteve private dhe as të atyre të transportit publik.
Në mbështetje të protestës së banorëve të Astirit përvec kreut të PD-së, Lulzim Basha kanë dalë edhe shumë deputetë të opozitës. Bëhet fjalë për deputetët: Ervin Salianji, Kejdi Mehmetaj, Valentina Duka, Luçiano Boçi, Nora Malaj, Aldo Bumçi etj.
Kreu i PD-së, Lulzim Basha i pranishëm në protestën e Astirit, ka rikonfirmuar mbështetjen e tij ndaj banorëve të Unazës së Re.
Në pronocimin e tij për mediat, Basha është shprehur se deputetët e opozitës nuk do ti lënë vetëm qytetarët, duke denoncuar edhe kërcënimet e vazhdueshme që ata kanë marrë.
Ndaj banorëve po ushtrohet terror psikologjik, ata marrin telefonata kërcënuese. Banorët thonë që persona me profil kriminal shkojnë shtëpi më shtëpi për të joshur apo frikësuar banorët që të tërhiqen nga protesta. Ka vetëm një zgjidhje, anulimi i këtij projekti, hetimi i tij dhe nxjerra para drejtësisë e personave përgjegjës.
Lulzim Basha, kreu i PD-së
Banorët e zonës së Astirit kanë bllokuar sërish të dy akset e rrugës gjatë protestës që po zhvillojnë ditën e sotme në zonën e Unazës së Madhe.
Lajme të tjera
-
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Basha: Tymi që mbulon sot Elbasanin është akuza më e madhe publike ndaj Edi Ramës, projekt korruptiv
9 Nëntor, 15:58 -
Berisha: Mosbindja civile do të vazhdojë, në Parlament për të mbrojtur qytetarët nga vjedhja e buxhetit! Basha stoli e Ramës
9 Nëntor, 14:31 -
Berisha e akuzon, Basha i përgjigjet: Nëse unë isha me Ramën, pse atij dhe familjes i shtoheshin pasuria, lejet e ndërtimit dhe kullat? Patericë e kryeministrit, viktimizohet me McGonigal
8 Nëntor, 14:21
