POP 5

Lajmet më të lexuara të 5 minutave të fundit

Kultura

Rivijnë në skenë shfaqjet klasike të Teatrit të Kukullave! “Zemërimi i shkronjave” e vitit 1981, e para e projektit

Shfaqjet e dikurshme të Teatrit të Kukullave rivijnë në skenë për të vegjlit përmes një projekti të mbështetur nga programi i Bashkimit  Evropian në partneritet me Qendrën Kombëtare të Kulturës për Fëmijë. Shfaqja e parë për të cilën po punohet është “Zemërimi i shkronjave”.

Është një shfaqje tepër e njohur për fëmijët e viteve ’80-të e që tashmë do të rivihet në skenën e Teatrit të Kukullave në një mënyrë të re.

“Zemërimi i shkronjave”, krijuar në vitin 1981, është e para shfaqje e përzgjedhur si pjesë e projektit “Marionetat e Trashëgimisë” të mbështetur nga programi EU4Culture, e që synon të risjellë e t’u japë sërish jetë shfaqjeve klasike të Teatrit të Kukullave.

“Sigurisht, ajo do të risillet në një formë ndryshe, e përditësuar, për t’i ndërgjegjësuar fëmijët pak edhe për alfabetin dhe gjuhën shqipe dhe për t’i larguar njëçikë nga teknologjia. Shfaqja nuk mud të vijë me kukullat e dikurshme se ajo që ka vite që është vënë në skenë. Të gjitha kukullat do të prodhohen enkas për shfaqjen.”, - thotë Melsi Qirici, drejtore e Teatrit të Kukullave.

Kukullat fëmijë dhe shkronjat do të ngjiten në skenë për të vegjlit, duke ndarë në dy kore gazmore në luftë me njëri-tjetrin, zanoret dhe bashkëtingëlloret, ndërkohë që kushtet teknologjike e lejojnë të eksperimentohet edhe me skenografinë. Shfaqja do të vijë edhe me rishikim të tekstit, i cili bashkë me regjinë i është besuar Endri Çelës.

“Përveç përgjegjës edhe kënaqësi, që jam i pari, i cili ka marrë përsipër ringritjen e një vepre, që ka pasur sukses të madh në të shkuarën e që e sjell në mënyrë moderne. Është një tekst që sado sukses të ketë patur ka nevojë për rifreskim, sepse flasim për në kohën e sotme. Nëse më parë gabohej vetëm të përdormi i një ë-je, një ë e shtuar më shumë apo një ë e hequr, sot problemet në artikulim, në gjuhën e folur të fëmijëve janë më të mëdha se kaq. Teksti po plotësohet dhe rifreskohet me elementë të ditëve të sotme.”, - thotë Endri Çela.

Rikthimi i shfaqjes “Zemërimi i shkronjave” çel fillimin e një pune më të gjerë në këtë drejtim, pasi të paktën njëherë në vit, fëmijët do të kenë mundësi të shijojnë shfaqjet e vjetra të Teatrit të Kukullave të risjella në kohë. Ndërkaq, fëmijët por edhe të rriturit shumë shpejt do të kenë mundësi të njihen edhe me historinë 75-vjeçare të teatrit, e cila do të bëhet e mundur falë muzealizimit të godinës.

B.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Sot Fitër Bajrami, pas një muaji agjërimi besimtarët myslimanë falin namazin në Berat e Korçë

Sot Fitër Bajrami, pas një muaji agjërimi besimtarët myslimanë falin namazin në Berat e Korçë

30 Mars, 09:09