Receta

Role gici e mbushur shoqëruar me patate të marinuara furre nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 24 Dhjetor, 12:05 | Përditesimi: 24 Dhjetor, 12:07

Role gici e mbushur shoqëruar me patate të marinuara

Përbërësit:

1 kg mish derri (fileto ose shpatull)
200 gr proshutë e tymosur
100 gr djathë kaçkavall / mozzarella
100 gr spinaq
2 thelpinj hudhër
3 lugë gjelle vaj ulliri
1 gotë verë e bardhë
Kripë, piper i zi
Rozmarinë, trumzë

Për patatet:

LEXO EDHE:
Pulë e mbushur nga zonja Albana

500 gr patate të vogla
2 lugë gjelle mustardë
2 lugë gjelle vaj ulliri
1 lugë çaji hudhër pluhur
1 lugë rigon i thatë
Spec i kuq pluhur
Kripë, piper i zi

Përgatitja:

Fillimisht përgatisim mishin, e hapim horizontalisht në mënyrë që të krijojmë një shtresë të gjerë dhe të hollë. E rrahim lehtë me çekiç kuzhine për ta zbutur. Vendosim mbushjen: proshutën, djathin dhe spinaqin. Rrotullojmë mishin me kujdes duke e lidhur me spango kuzhine për të mbajtur formën. Më pas lyejmë rolenë me hudhër, kripë, piper, rozmarinë dhe trumzë. Në një tigan të madh ngrohim vajin dhe skuqim rolenë nga të gjitha anët derisa të marrë një ngjyrë të artë. E vendosim në një tavë, shtojmë verën e bardhë dhe e mbulojmë me letër alumini. E pjekim në 180°C për 50-60 minuta, në 15 minutat e fundit largojmë letrën për të marrë një kore të artë. Ndërkohë përgatisim salcën marinuese për patatet. Në një enë të madhe përziejmë mustardën me vajin, kripën, piperin e zi, specin e kuq pluhur, rigonin dhe hudhrën pluhur. Shtojmë patatet dhe i përziejmë mirë. I vendosim patatet në një tavë me letër pjekje në furrë në 200°C për 25-30 minuta. Pasi mishi të jetë pjekur, largojmë spangot, e presim rolenë në feta dhe e servirim me patatet e pjekura.

MC/Shqiptarja.com

TAG: