Rozafa, Një opera e krijuar në
terr dhe e mbetur ende pa zë

Sot, pas njëzet e një vite nga vdekja e libretistit Zef Zorba dhe 37 vite nga vdekja e kompoziorit Ndokë Pistulli, opera “Rozafa” të befason. Vepra trajton një temë të lashtë, me emëra e ambjente të lashta ilire, e megjithë atë janë personazhe e ndjenja që i ndeshim edhe sot…

Duke folur për raportin që duhet të ketë njeriu me të kaluaren, nobelisti Sollzhenickij anetemonte kështu ata që jetonin me nostalgjinë e asaj kohe: “ju verboftë një sy". Shtonte dozen për ata që e harrojnë atë të kaluar të hidhur: “Ju verbofshin të dy sytë!”. Por uronte: “Këtej e tutje qofsh përherë me dy sy, populli im!". Kjo thënie më erdh ndër mend, duke pasë në dorë një vepër dinjitoze të shkruar gati 50 vite më parë, pra e shkruar në terrin e diktaturës dhe akoma e mbetur pa zë.