Rrëfimet tronditëse të të dënuarve në kampin e Tepelenës

Rrëfimet tronditëse të të dënuarve në kampin e Tepelenës

Kampi i Tepelenës

Debatet për kampin famëkeq të të internuarëve politikë në Kampin e Tepelenës kanë marrë një shpërthim të pazakontë, që nga dita që historiani i njohur Pëllumb Xhufi lëshoi disa deklarata në një intervistë televizive. Një ndër to ishte se “Kampi i Tepelenës ishte ndoshta kampi më i mirë se kampet e tjera. Kampi i Maliqit ishte më i tmerrshëm”.

Kështu ka deklaruar Xhufi, ndërkohë që ka kundërshtuar të dhënat nga raportet e CIAS rreth këtij kampi dhe për numrin e fëmijëve të vdekur, që ndryshe nga 300 fëmijë që raportonte kohë më parë Autoriteti i Dosjeve, ai ishte shrehur se  ky numër ishte më i ulët”. Deklaratat e Xhufit vazhdojnë të kundështohen nga ish të dënuarit në Kampin e Tepelënës të cilët në rrjetet sociale postojnë përditë historitë e tyre, duke përmendur si absurde deklaratën e historianit të njohur.  

Njëri prej tyre, Kurt Kola, që i ka mbijetuar kampit, ka rrëfyer një episod të tmerrshëm që ishet sinjali I parë i dramave që do të vijonin në një nga Kampet më famëkeqe të diktaturës, që u përcaktua veçanërisht si kampi i vuajtjeve dhe vdekjev në masë të fëmijëve. Kurt Kola ka rrëfyer se si ndërruan jetë gjatë një aksidenti vajza e kundërshtarit politik të Enver Hoxhës, Abas Kupit, me bashkëshortin e saj. Ndërkohë studiuesi Kastriot Dervishi sjell në faqen e tij në facebook fakte dhe dokumente origjinale që faktojnë vuajtjet dhe tmerret në Kampin e Teplenës.

Dervishi:  Familja nga Libohova në kampin nr.4 Tepelenë
Pasi poston në facebook një dokument origjinal ku tregon se në Kampin e Tepelënës nuk internoheshin vetëm familjet nga Veriu, por edhe nga Jugu, Kastriot Dervishi shkruan:

“Një i dënuar politik pasi u lirua nga burgu politik, ai u dërgua në kampin e internimit të Tepelenës. Ai pati fatin që atë që hoqi në Shqipëri t’ua tregojë kancelarive perëndimore, të cilat u informuan me detaje se çfarë ishte regjimi kriminal komunist. pjesa e mëposhtme është e ditës së parë në kamp. Midis të tjerash, për kampin është bërë ky përshkrim:

Bashkëlidhur vendimi nr.699, datë 14.4.1953 i Komisionit të Dëbimeve e Konfiskimeve në MBP për internimin e një familjeje “kulake” nga Libohova në kampin nr.4 Tepelenë. Dokumenti tregon se në kampin në fjalë nuk po internoheshin më vetëm nga veriu i Shqipërisë, por edhe nga jugu.sh, të cilët po na prisnin. Shkarkuam sendet tona, u ulëm në tokë e pritëm zbardhjen e ditës së re. të flija kështu, nuk ishte problem për mua: koha ishte e mirë e nata e freskët.

Por vura re në atë lSëshim drite të zymtë nate, se oborri i pafund, sidomos gjatë anës së një kazerme të madhe, ishte krejtësisht i pakësuar nga grupe njerëzisht që flinin përtokë. Mora vesh më vonë se gjithë ata njerëz kishin braktisë dhomat e fjetjes prej pleshtave. Posa vinte nata, të internuarit hynin ndër baraka për të pushuar, nga trarët e mëdha zbrisnin ushtri parazitësh që sulmonin fatzezët. Kështu që e vetmja shpresë ishte të kaloje natën jashtë.

Ishte një grumbull grash, fëmijësh, djemsh e pleqsh, të cilëve u mungonte çdo e domosdoshme e ushqeheshin vetëm me bukë e misër dy herë në ditë. Ndrynin brenda në zemër një barrë për patreguar vuajtjesh. Përveçse ishin shkulur nga shtëpitë e zakonet e tyre, ishin plagosur në ndjenjat e tyre më të thella e të shqetësuar për të zhdukurit, për ata që kërkonin, për të burgosurit pa lajme, pa shpresa për të ardhmen. Sidomos gratë ishin të mrekullueshme: pa lot kujdeseshin për fëmijët e pleqtë, duke u munduar t’i lehtësonin atyre peshën e varfërisë”.

Bashkëlidhur për ilustrim, vendimi nr.699, datë 14.4.1953 i Komisionit të Dëbimeve e Konfiskimeve në MBP për internimin e një familjeje “kulake” nga Libohova në kampin nr.4 Tepelenë. Dokumenti tregon se në kampin në fjalë nuk po internoheshin më vetëm nga veriu i Shqipërisë, por edhe nga jugu.”, shpjegon Dervishi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Gazetari Xhunga: Berisha nuk zbret nga kati i 8-të, Rithemelimi më i izoluar se talebanët

Gazetari Xhunga: Berisha nuk zbret nga kati i 8-të, Rithemelimi më i izoluar se talebanët