TIRANË- Gjatë ditës së sotme janë regjistruar 164 persona të prekur me COVID-19, 3 persona kanë ndërruar jetë, mes tyre mësuesi 47-vjeçar nga Pogradeci pa asnjë sëmundje bashkëshoqëruese pas 12 ditësh në terapi intensive në spitalin "Shefqet Ndroqi", ndërsa kanë fituar betejën 51 të tjerë. Sipas informacioneve për Report Tv, në qytetin e Gramshit kanë humbur jetën vjehrra 78 vjeç dhe nusja 55 vjeç, ndërsa bashkëshorti i 55 vjeçares ndodhet në gjendje të rëndë shëndetësore.
Pas 872 testimeve të kryera, shpërndarja gjeografike e rasteve pozitive ditore është 56 raste në Tiranë, 11 raste në Shkodër, nga 10 raste në Durrës, Korçë, Lushnje, 8 raste në Kurbin, nga 7 raste në Krujë, Fier, Kavajë, 6 raste në Lezhë, 5 raste në Elbasan, Vlorë, 4 raste në Gramsh, 3 raste në Kukës, Mat, Gjirokastër, 2 raste në Berat, Kamëz, nga 1 rast në Has, Pogradec, Ura Vajgurore, Vau i Dejës, Bulqizë.
Në spitalin Infektiv dhe "Shefqet Ndroqi" nuk është rritur shifra e pacientëve që po trajtohen me COVID, janë po 174 pacientë, 21 në terapi intensive nga të cilët 7 janë të intubuar. Përveç mesuesit nga Pogradeci, edhe një 78-vjeçar nga Fieri dhe një 87-vjeçar nga Gramshi kanë humbur jetën në 24 orët e fundit, me gjithë përpjekjet e mjekëve dhe infermierëve.
Ministria e Shëndetësisë ka dhënë këshilla dhe udhëzime për të gjithë prindërit që do të dërgojnë fëmijët e tyre në shkollë ditën e hënë, më 14 shtator 2020.
"Në prag të vitit të ri shkollor, ka një apel për mësuesit, prindërit, nxënësit; të respektojnë me rigorozitet masat për mbrojtjen ndaj COVID19 me qëllim parandalimin e përhapjes së këtij virusi. Normaliteti i ri, i cili na kushtëzon të jemi të kujdesshëm në përditshmëri për ruajtjen e distancimit fizik, mbajtjen e maskave ose barrierave mbrojtëse në ambientet e mbyllura dhe kujdesin e shtuar për higjienën personale. Prindër, kontaktoni me mjekun e familjes. Sinjalizojeni atë nëse ka diçka që shihni se nuk shkon te fëmija juaj. Matini çdo ditë temperaturën fëmijës para se të niset për në shkollë dhe pyetini nëse kanë ndonjë shqetësim. Mësues, tregohuni vigjilentë ndaj zbatimit të masave të rekomanduara nga ekspertët në ambientet e shkollës. Për çdo shqetësim, duhet të kontaktoni koordinatorin e shkollës, i cili sinjalizon menjëherë strukturat shëndetësore. Nxënës, nëse gjatë qëndrimit në shkollë, vini re tek vetja, simptoma të COVID19, lajmëroni menjëherë mësuesin kujdestar", thotë Ministria e Shëndetësisë.
TIRANË- Pesë mësues të shkollës "Jeronim De Rada" në Tiranë rezultojnë të infektuar me koronavirus.
Sipas burimeve për Report Tv, kjo gjë nuk do të ndikojë në fillimin e procesit mësimor, pasi këta mësues do të zëvendësohen.
Mësuesit e infektuar janë vetëkarantinuar në shtëpi, për të parandaluar përhapjen e virusit Covid19.
GRAMSH- Dy pjesëtarë të një familjeje në Gramsh kanë humbur jetën si pasojë e koronavirusit.
Sipas informacioneve për Report Tv, vjehrra, nusja dhe bashkëshorti i kësaj të fundit kanë rezultuar me Covid19.
Ditën e djeshme është ndarë nga jeta vjehrra 78 vjeçare, ndërsa sot ka humbur jetën edhe nusja 55 vjeçare.
Mësohet se në gjendje të rëndë ndodhet edhe bashkëshorti i 55 vjeçares.
Drejtoresha e kopshtit Nr.13 në Elbasan është infektuar me COVID-19 dhe aktualisht ndodhet në gjendje të mirë shëndetësore. Pas konfirmimit se ajo ishte pozitive me koronavirus stafi i kopshtit është vetëkarantinuar dhe po i merren tamponët.
Ministrja e Arsimit, Besa Shahini ka shprehur ngushëllimet e saj pas vdekjes së mësuesit 47-vjeçar nga Pogradeci. Ajo thotë se duhet të shtohet kujdesi shëndetësor duke ndërmarrë çdo masë parandaluese për frenimin e koronavirusit.
"Ndihem shumë e keqardhur për mësuesin tonë nga Pogradeci që ka humbur jetën nga COVID-19 dhe i shpreh ngushëllimet më të sinqerta familjarëve, nxënësve dhe kolegëve të tij. Me këtë rast, apeloj fort sërish që të shtojmë kujdesin duke ndërmarrë çdo masë parandaluese për frenimin e koronavirusit, si dhe duke zbatuar me seriozitet çdo rregull e protokoll shëndetësor që ka në thelb mbrojtjen e shëndetit tonë", shkruan Shahini.
Një mësues nga Pogradeci ka ndërruar jetë këtë të shtunë (12 shtator) nga koronavirusi. 44-vjeçari Leonard Xhemollari nga Udenishti ishte i shtruar në Tiranë prej dy javësh. Nga informacionet paraprake dyshohet se 47-vjeçari u infektua në Ohër ku ishte me pushime.
Lajme të tjera
-
Korçë/ 1700 mësues të arsimit fillor do i nënshtrohen trajnimit për metodat efektive të mësimdhënies, pajisen me certifikatë
30 Mars, 14:33
-
Nis trajnimi i 4 mijë mësuesve në gjithë vendin, Rama: Efektiv për aftësitë dixhitale dhe metodat e mësimdhënies
27 Mars, 08:31 -
Zbehet simbolika e luleve e kartolinave për 7 Mars, dhurata e zarfe me lekë për mësuesit
6 Mars, 15:26
-
Itali/ Adoleshenti godet me thikë pas shpine mësuesen teksa hynte në shkollë
5 Shkurt, 13:15 -
Sindikata e Mësuesve: Paga 950 euro show, nuk na mjafton! Trajnimi nuk i përfshin të gjithë mësuesit
1 Shkurt, 14:05 -
Paga sipas meritës për mësuesit! Kriteret që duhen plotësuar, provimet e kualifikimeve zhvillohen më 11 maj
31 Janar, 08:58
-
Rezultatet e dobëta në testin PISA, ministrja e Arsimit Manastirliu bën me 'faj' mësuesit: S’pati angazhim! Do të futeni në trajnim
11 Janar, 16:43
-
Në 2025-2026 ulen përfituesit e ndihmës ekonomike, rritet punësimi dhe pagat për arsimin dhe shëndetësinë! Transport falas për nxënësit dhe mësuesit
9 Nëntor 2023, 16:27
-
Tiranë/ Kërcënohet mësuesi në fshatin Zall Bastar, arrestohet autori
4 Tetor 2023, 16:00 -
Kolonjë/ Gjendet mësuesja për nxënësen e vetme në shkollën e fshatit të thellë Boshanj! Alesia nis shkollën pas apelit në Report Tv
19 Shtator 2023, 16:51
-
Pas denoncimit të Report Tv, gjendet mësuesja zëvendësuese për klasën e 4 në shkollën ‘7 marsi’! Fëmijëve u dha mësim nxënësja e klasës së 7-të
15 Shtator 2023, 16:36 -
Alesia e vetme në shkollën e rrënuar! Nxënësja nga Kolonja kërkon mësues, askush nuk pranon të japë mësim në fshatin e thellë Boshanj
14 Shtator 2023, 15:23
