Me 134 vota Shqipëria është zgjedhur dje (15 nentor) me votim të fshehtë anëtare e bordit ekzekutiv të UNESCO-s, tjetër tregues se Shqipëria sa vjen e po fiton pozita të rëndësishme në arenën ndërkombëtare.
“Një lajm shumë i bukur për diplomacinë shqiptare që dëshmon dhe besueshmërinë që gëzojmë si partner i besueshëm dhe i përgjegjshëm. Zgjedhja i jep peshë poltike të madhe vendit tonë” komentoi sot ambasadorja e Shqipërisë në UNESCO, zonja Besjana Kadare në një intervistë me skype për Report Tv duke shtuar se “është bërë një lobim të madh prej më shumë se një viti edhe në New York”
Por nuk është vetëm kaq. Në të dy këto organizma ndërkombëtare ku Shqipëria tashmë merr pjesë ka mbetur jashtë Rusia.
Për katër vende në bordin ekzekutiv të UNESCO-s konkuronin 6 shtete. Krah Shqipërisë anëtare janë zgjedhur dhe Serbia, Sllovakia, Republika Çeke. Ndërsa Shqipëria mori 134 vota, Rusia mori vetëm 94 duke mbetur jashtë për herë të parë në historinë e UNESCO-s.
“Është hera e parë që ndodh. që Rusia të humbë në të gjithë historinë, që nga momenti kur u krijua UNESCO. Është hera e dytë brenda një muaji që Shqipëria fiton një votë në një vend në organ ndërkombëtar. Pak javë më parë Shqipëria fiton në Këshillin e të Drejtave të Njeriut ku Rusia sërish humbi. Kjo është shumë domethënëse. Është një sinjal i fortë që komuniteti ndërkombëtar i ka dhënë Moskës” nënvizon Kadare për emisionin “Sot live në Shqipëri” në Report Tv.
Po për Kosovën?
Anëtare në bordin ekzekutiv është dhe Serbia që nuk e njeh pavarësinë e Kosovës dhe kundërshton anëtarësimin e Kosovës në OKB dhe organizata ndërkombëtare, përfshirë UNESCO-n, Madje ka lobuar kundër pranimit të Kosovës në UNESCO.
Kosova është projekti që do të punojmë në të ardhmen. Kosova aty e ka vendin herët a vonë e kjo do të ndodhë” tha ajo për gazetarin Nertil Agalliu.
Ndërkohë mbetja jashtë e Rusisë u komentua dje edhe nga presidenti i Ukrainës
Për herë të parë në histori, Rusia ka ngelur jashtë Bordit Ekzekutiv i UNESCO-s. Epoka e ndikimit rus ka përfunduar dhe me të drejtë: terroristët rusë nuk kanë vend në krye të organeve të rëndësishme ndërkombëtare. Roli ndërkombëtar i Rusisë do të vazhdojë vetëm dobësohen" shkruan presidenti i Ukrainës Volodymyr Zelensky në rrjetin social X.
Jashtë bordit ekzekutiv të UNESCO-s ka mbetur dhe Uzbekistani.
Lajme të tjera
-
Media spanjolle 'ABC': Shqipëria fiton popullaritet në mesin e turistëve ndërkombëtarë
15 Dhjetor, 08:14 -
UNESCO kërkon mbrojtje urgjente për Ohrin! Shqipëria e Maqedonia e Veriut të thellojnë dialogun, kërkohen veprime urgjente
14 Dhjetor, 10:11 -
“K’cimi i Tropojës”, pasuri e botës! Si e ruajnë shqiptarët e si mund ta mësoni kërcimin festiv plot ritual dhe ritëm! Etnografi Haklaj: Jo thjesht valle!
6 Dhjetor, 12:31
-
‘K'cimi i Tropojës’ në UNESCO, Hysenaj në Report Tv: 12 vite që të hartohej dosja! Skënder Haklaj: Do njihemi në të gjithë botën, vështirë të caktohet lashtësia e tij
4 Dhjetor, 19:47 -
VIDEOLAJM/ ‘K'cimi i Tropojës’ zyrtarisht pjesë e UNESCO-s! Rama: Rilindje e kësaj trashëgimie të braktisur nën pluhurin e harresës
4 Dhjetor, 08:38 -
“K'cimi i Tropojës”, zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO!
3 Dhjetor, 22:28 -
Misioni i pedagogut për ta futur dollinë shqiptare nën UNESCO
10 Nëntor, 12:18
-
Gati aplikimi për Vjosën si pjesë e UNESCO-s, Kumbaro: Krenarë për gjithë punën e bërë, një kontribut i gjithë shoqërisë shqiptare
30 Shtator, 13:31 -
'Saktësoni kufirin e Butrinit' UNESCO i kërkon qeverisë shqiptare të dorëzojë hartë të qartë! Bypass-i i Gjirokastrës u ndërtua pa zbatuar kërkesat tona
25 Korrik, 20:46 -
UNESCO: Shqipëria të shmangë me çdo kusht menaxhimin e fragmentarizuar të Butrintit
20 Korrik, 20:31 -
Qëndrime kritike nga UNESCO mbi Beratin dhe Gjirokastrën për autoritetet shqiptare
15 Korrik, 20:59 -
Media britanike “Liverpool Echo”: Vizitoni Shqipërinë destinacionin e bukur evropian me plazhe të mrekullueshme
12 Korrik, 09:29
