POP 5

Lajmet më të lexuara të 5 minutave të fundit

Kronikë

SELEC Certifikatë Nderi policisë
për bashkëpunimin dypalësh

Policia shqiptare është vlerësuar sot me Certifikatën e Nderit nga Qendra për Zbatimin e Ligjit në Europën Juglindore SELEC.  FOTO
Policia shqiptare është vlerësuar sot me Certifikatën e Nderit nga Qendra për Zbatimin e Ligjit në Europën Juglindore SELEC.

Këtë certifikatë e ka marrë drejtori i Policisë së Shtetit Haki Çako, gjatë një takimi me Drejtorin e Përgjithshëm të SELEC Toni Jakomovski, në kuadër të forcimit të bashkëpunimit ndërmjet Agjencive ligjzbatuese të vendit tonë dhe Qendrës për Zbatimin e Ligjit në Europën Juglindore SELEC, në luftë kundër Krimit të Organizuar dhe Terrorizmit. 

Toni Jakomovski i ka dorëzuar Drejtorit të Policisë së Shtetit Haki Çako, Certifikatën e Nderit me motivacion "Në mirënjohje për arritjen e rëndësishme në luftën ndërkombëtare kundër Krimit të Organizuar", për pjesëmarrjen dinjitoze në operacionin "Balkan", i cili është vlerësuar si më i suksesshmi në Europën Juglindore për vitin 2016, në mes shumë operacionesh të tjera.

Jakomovski ka falënderuar Çakon për kontributin e tij personal si dhe për pjesëmarrjen aktive të strukturave Policore Shqiptare në hetime të përbashkëta me vendet e rajonit, veçanërisht në luftën kundër trafikut ndërkombëtar të narkotikëve.

Drejtori i Policisë së Shtetit Çako, ka falënderuar Drejtorin e SELEC për këtë vlerësim që i është bërë Policisë Shqiptare. 

"Akordimi i kësaj çertifikate tregon më së miri besimin që kanë partnerët tek Policia e Shtetit.

Bashkëpunimi me SELEC dhe me të gjithë partnerët tanë, është me shumë rëndësi, qoftë në luftë kundër krimit të organizuar , ashtu edhe në luftë kundër terrorizmit, në interes të sigurisë në rajon e më gjerë".

Jakomovski ka zhvilluar një takim me Drejtorin e Përgjithshëm për Krimin e Organizuar dhe Krimet e Rënda Drejtues i Lartë Ardian Çipa, ku ka shprehur vlerësimet maksimale për bashkëpunimin midis autoriteteve Policore Shqiptare dhe SELEC, i cili gjatë këtij viti ka qenë shumë i suksesshëm në luftën kundër krimit të organizuar, në veçanti në luftën kundër trafiqeve të paligjshme dhe trafikimit të paligjshëm të lëndëve narkotike. 

Gjithashtu në takimin e zhvilluar me Drejtorin e Antiterrorit në Policinë e Shtetit Gledis Nano, Drejtori i Përgjithshëm i SELEC theksoi shkëmbimin në vazhdimësi të informacioneve të ndërsjella në funksion të procedimeve penale në ndjekje, si dhe në marrjen e masave të përbashkëta duke koordinuar veprimet në kryerjen e operacioneve dhe hetimeve të përbashkëta kundër aktiviteteve kriminale e terroriste.

Gjatë këtij viti, falë mbështetjes së SELEC, janë realizuar një numër i konsiderueshëm takimesh për shkëmbimin e informacioneve në funksion të procedimeve penale në ndjekje. 

Policia e Shtetit Shqiptar ka numrin më të madh të pjesëmarrjes në hetime të përbashkëta në Evropën Juglindore për vitin 2016

SELEC ka treguar se është platforma më e mirë për shkëmbimin e informacionit në kohë reale, koordinimin e hetimeve të përbashkëta dhe finalizimin me sukses të operacioneve rajonale në Evropën Juglindore.

Kjo certifikatë është dhënë pas operacionit ndërkombëtar antidrogë "BALLKAN", në Shqipëri, Maqedoni, Greqi dhe Bullgari i finalizuar në Korrik 2016, ku janë arrestuar 30 persona dhe 23 u shpallën në kërkim që çoi ne sekuestrimin e: - 27 kg Heroinë, 2 kg Kokainë, 184 kg Marijuanë, 38000 EURO, 1,5 milion Lekë, 4 automatikë, 68 aparate celulare.

Ky operacion është vlerësuar dhe në raportet e SELEC dhe është cilësuar si operacioni më i mirë dhe i suksesshëm në të gjithë rajonin.

[gallery]19096[/gallery]

Redaksia Online
(F.T/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50