Turizmi në Shqipëri këtë sezon vere është diskutuar shumë nëse realisht ka një frekuentim masiv apo nëse suksesi i vitit të shkuar është kthyer në bumerang.
Eksperti i ekonomisë Klodjan Muço trego në ‘5 Pyetjet me Babaramon’ arsyet sipas tij që këtë sezon nuk është më bumi i vitit të shkuar.
'Ka kaluar tashmë dhe bujqësinë. Ajo që vihet re, vitin e kaluar u kalua në sold out, sidomos në jug. Një rritje e çmimeve me shërbim që linte për të dëshiruar. Feedback ishte, e bukur Shqipëria por shërbimi lë për të dëshiruara dhe çmim ishin të larta. Ka fluks turistësh por plazhet janë gjysëm bosh. Shqiptarët i kanë abandonuar plazhet e vendit. Janë bërë të paaksesueshme për shqiptarët. Vërtet kemi fluksin që thonë mediat shqiptare, kosovarët i kanë hequr vizat.'
Ka një rritje të turizmit në mënyrë fiktive. Rritje çmimesh me mungesë të cilësisë së shërbimeve. Ajo që i ndodhi dhe Malit të Zi. Këtë vit kemi turist, por jo siç kishim vitin e kaluar.
Ndërsa kryetari i bashkisë së Gjirokastrës Flamur Golemi thotë se këtë vit janë regjistruar më shumë turistë se vitin e shkuar që kanë vizituar kalanë e Gjirokastrës.
'Gjirokastra nuk ka një sezon të caktuar turistik. Sivjet ka filluar shumë shpejt. Pika më e frekuentuar kalaja. Kemi një statistikë të qartë. 6 mujori i parë 2023, 70 mijë turistë. Këtë vij po kap 100 mijë turist. Statistikë tregon numër të rritur.'
Arkeologu Jani Koçollari tregoi disa site kulturore në Bylis dhe pranë Bylisit të cilat janë perla sipas tij që i kanë zili edhe të huajt.
‘Bylisi është perlë, qendra ilire më e rëndësishme. Ka faza të ndryshme. Teatrin e bukur, tempull, kisha. Edhe Finiqi, nuk ka ndonjë tabelë treguese, poshtë Bylisi është dhe Klosi i lënë në dorë të fatit. Kemi dhe Amantian ,që është një aventurë. Bylisi është perlë, që shumica as nuk e ka idenë. Edhe nga jashtë shtetit janë xheloz për këtë sit që kemi. Jo vetëm Bylis por edhe Klosi. Kanë potencial që mundtë zhvillojë ekonominë e vendit të fshatrave. Por mungon tabela. Nëpër pika kufitare mungon një baner që i sponsorizon këto site. I kemi këto site që janë perla, nuk kushtojnë shumë as bileta. Kalojmë pranë dhe as nuk kemi idenë që ekzistojnë.’
Ekspertja e turizmit Eva Kushova kritikoi në '5 Pyetjet me Babaramon' çmimet e larta në bregdet të çadrave, të cilat sipas saj privojnë turistët për një turizëm të qëndrueshëm.
"Nëse unë paguaj çadrën 30 euro në Ksamil unë kam privuar veten nga dreka. Do i bëja xhiro restorantit. Këta të babëziturit të çadrave, që duhet t’ia vëmë fajin qeverisë, me atë 70 30 %. Edhe të huajt e kuptuan që pse të paguaja për çadrën kur me ato lekë paguaj diçka në restorant. Do shpërndanin para dhe ky është turizmi i qëndrueshëm. Është turizëm që gjeneron të ardhura për komunitetin dhe të mos e marri paranë vetëm i madhi i hotelit. Dhe të mos e lëmë atë artizanin të vdesin. Turisti paguan sa frëngu pulën hotelin, çadrën nuk i ngelet lekë për në darkë."
Eksperti Feriold Ozuni zbuloi në '5 Pyetjet me Babaramon një tipologji të re të të bërit turizëm në Shqipëri. Janë shtuar turistët e rinj që nuk vijnë për plazhet në bregdetare por për ture në vende të ndryshme ku përfshihet edhe Gjirokastra.
"Është një kategori turistësh, ka tmerrësisht shumë që nisen nga Vlora, Saranda, jugu i Shqipërisë drejt Gjirokastrës për ekskursione ditore. Janë vështirë për tu numëruar. Ka mosha të reja, kanë ndryshuar tipologjinë e të bërit turizëm. Nuk vijnë për bregdet, por vijnë për të ashtuquajturit ture, vijnë në një vend, në një vend tjetër. Këtu është futur edhe Gjirokastra. Dhe është epiqendra e destinacionit për turistët."
Kryebashkiaku i Gjirokastrës Flamur Golemi dha një pasqyrim të situatës turistike në qytetin antik. Golemi thekson se pazari i qytetit mbetet zemra e turizmit.
"Gjirokastra ka dhe pjesën tjetër. Është pjesa e 18 shtatorit, që vështirë të gjesh shtëpi për qira. Edhe ata që banojnë në Greqi i kanë kthyer shtëpitë në struktura air bnb. Edhe tani tek pazari ishte plot. Janë turistë të rinj. Të cilët nuk paguajnë, 80 apo 90 euro dhoma. Dhe akomodohen tek pjesa e re e qytetit me çmim më të lirë. Dhe frekuentojnë konsumojnë diku tjetër. Korriku ka rritje të shifrave. Zemra e turizmit në Gjirokastër është pazari. Dhe kemi diskutuar për të pasur kujdes tek çmimet. Dhe tani flasim për çmime të stabilizuara në Gjirokastër."
Komente
Lajme të tjera
-
Raporti i Komisionit Europian të Udhëtimeve: Shqipëria e para për rritjen e fluksit të turistëve me 86%! Rama: Histori suksesi
21 Korrik, 13:30 -
Mrekulli e natyrës, Rragami në Shkodër ‘thith’ turistët! Të huajt: Fantastike! Udhëtim me varka drejt Komanit e lumit të Shalës
20 Korrik, 19:36
-
Të panjohurat e Lezhës! 10 udhërrëfyesit e parë gati për turistët
19 Korrik, 15:42
-
‘Superleku’ tkurr fitimet e bizneseve, eksportet në krizë! Turizmi nuk rrit importet
18 Korrik, 16:12
-
'Dështoi eliminimi i Trump, por jo atentati, eksperti në '5 Pyetjet': Shërbimet e sigurisë ceduan! Evakuimi ishte shumë i ngadaltë
15 Korrik, 21:34 -
'Një monument për Kadarenë në Gjirokastër' Flamur Golemi për Report Tv: Do nisim procedurat! E meriton, bëri shumë për këtë qytet
2 Korrik, 14:06 -
Ndarja nga jeta e Kadaresë/ Yzeiri: Iku një pjesë europiane e jona! Rudolf Marku: Nuk është problem Nobeli! Shkrimtarët e mëdhenj nuk e kanë këtë çmim
1 Korrik, 21:28 -
Tiranë/ ‘Valle në shesh’, turistët mësojnë kërcimet tradicionale
23 Qershor, 18:56 -
“Krejt kjo bukuri pa energji elektrike!” Pushime pa drita në Kune, uji i ftohtë “luks”
22 Qershor, 15:36
-
SPECIALE/ Të gjithë flamujt e ngritur në Luginën e Valbonës, pikëtakimi i të huajve me natyrën dhe shqiptarët e maleve
22 Qershor, 09:37
-
Lezhë/ Turizëm pa energji elektrike në Kune! Punimet e vonuara ne rrjetin e ri elektrik, po sjellin probleme
22 Qershor, 08:55
-
Vendi turistik në Shqipëri që të bën ta vizitosh sërish! Kalaja e Rozafës thyen rekord vizitorësh
20 Qershor, 12:56
Ejani ne Vlore.Rruget te pista,skandalizohen turistet me higjenen e rrugeve.O zot asnje lloj fantazie per ta menaxhuar kete qytet.A nuk gjendet nje mendje e ndritur nga z.Rama ta vendos nje kryetar Bashkie per se mbari?Edhe ne mbledhjen e kryeministrit me kryebashkiaket mu duk sikur kryetari i Vlores ishte kryeministri dhe anasjelltas
Përgjigju