/ATSH-AFP/ - Senati amerikan konfirmoi sot prokuroren federale, Loretta Lynch në krye të Ministrisë së Drejtësisë, e para grua me ngjyrë në këtë post.
Senatorët votuan me 56 vota ndaj 43 në favor të Loretta Lynch, 55 vjeçe, e cila mbante që prej vitit 2010 postin e prokurores federale të distriktit lindor të Nju Jorkut, ku ajo mbikqyri raste të shumta të korrupsionit, krimit të organizuar dhe terrorizmit.
Ajo pasoi Eric Holder, emëruar nga presidenti amerikan, Barack Obama që prej fillimit të mandatit të tij të parë në vitin 2009./