Partia Demokratike ka nisur një tjetër fushatë kundër mjekëve dhe ekspertëve. Edhe pse duhet thënë pa asnjë dyshim se deri tani që flasim sistemi shëndetësor ka bërë një punë shumë të mirë, e cila bashkërenduar me masat e ndërmarra nga qeveria kanë dhënë rezultatin që kemi sot në betejën me Covid-19, opozita vazhdon betejën e saj duke hedhë baltë.
Ajo sëbashku me disa media pranë saj, kanë nisur sulmin mbi ”Shefqet Ndroqin”, i kthyer në spital Covid2. Opozita në vazhdën e të bërit politikë me koronavirusin, e pakënqur me numrin e paktë të jetëve të humbura dhe infektuara, po tenton tinëzisht të përhapë idenë se ‘Shefqet Ndroqi’ duhet të hiqen tanimë ata pacientë të shtruar e spitali të vazhdojë punën siç ka qenë më parë, sepse sipas saj, paciantët janë lënë në mëshirë të fatit. Këtë e bën për të sulmuar qeverinë, në kushtet kur shifrat në Shqipëri flasin për një rezultat pozitiv deri tani në luftë me virusin e rrezikshëm.
Por, pavarsisht sulmit të PD-së, e cila dëshpërimisht kërkon drama që më pas t’i përdorë politikisht, ka disa arsye fare të thjeshta pse ”Shefqet Ndroqi” duhet të qëndrojë ende spital Covid.
Së pari, këtë situatë të jashtëzakonshme e ka menaxhuar fjala dhe vendimet e ekspertëve, si kudo në botë, ku qeveria ka zbatuar masat e propozuara nga ata. Nga ana tjetër, grupi teknik ka ndjekur protokolle zyrtare të OBSH-së dhe nuk ka bërë asgjë ndryshe nga vendet e tjera.
Arsyeja e dytë pse ”Shefqet Ndroqi” duhet të qëndrojë spital Covid e që ekspertët nuk duhet të bien pre e sulmeve e presionit opozitar (siç për fat të mirë nuk e kanë bërë deri më sot), është fakti se Shqipëria është ende në fazën e hapjes, fazë e cila kërkon shumë kujdes (shembuj kemi Gjermaninë, Britaninë e Madhe etj). Pra, deri në fund të Majit, kur të kenë përfunduar lehtesimet e mëdha, Shqipëria duhet të ketë gati kushtet për të përballuar një numër të rritur të të infektuarve.
Së treti, Shqipëria nuk e ka luksin të mbyllë një spital Covid, në kushtet kur kemi të bëjmë me një virus më shumë të panjohura, i cili thyen kurbat dhe parashikimet (siç e kemi parë kudo në botë). Deri në momentin që masat dhe numrat të jenë të qëndrueshme, vendi nuk e ka luksin që të bëjë hapa që mund të kushtojnë shtrenjtë nesër për një tekë politike të PD-së.
Së katërti dhe më qesharakja, është fakti se ata që deri dje çirreshin duke deklaruar se nuk kemi shtretër në spitale, se nuk kemi ventilatore e se do vdesin qytetarët, sot dalin e përgënjeshtrojnë veten duke thënë se spitalet dhe shtretërit janë bosh. Ata që dje thonin se vendi e menaxhoi keq situatën, dalin sot e thonë që spitalet janë bosh, pra që menaxhimi ka qenë i mirë.
Së fundi, ajo që PD e di fort mirë teksa hedh baltë mbi grupin e ekspertëve (që kanë menaxhuar shumë mirë një pandemi të frikshme), është se spitali i Elbasanit është vënë në funskion të pacientëve që ishin shtruar tek ”Shefqet Ndroqi” dhe askush nuk është lënë në mëshirë të fatit.
Të gjitha këto, padiskutim që opozita i di, por në kushtet që nuk ka shifrat që ëndërronte me viktima e të shtruar që bllokojnë korridoret, kapet pas fijes së kashtës duke hedhur baltë mbi ata që për fatin tonë të mirë, i bënë një menaxhim shumë të mirë pandemisë së Covid-19. Ky është autogoli i radhës i ooozitës, e cila pasi nuk u bë pjesë e zgjidhjes, vazhdon të bëjë gafa politike.
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Basha: Tymi që mbulon sot Elbasanin është akuza më e madhe publike ndaj Edi Ramës, projekt korruptiv
9 Nëntor, 15:58
Vec Birisha din me menaxhu e me sheru shqiptaret.Edvini vec din me vjedh me pre dhe me vra
Përgjigju