Për të kuptuar se si po ecën epidemia e Covid-it në Shqipëri, pa histerizma dhe pozicione partiake, duhet të kemi parasysh të paktën 4 parametrat objektive, të cilat janë të njëjtat që janë në bazë të analizave në të gjithë botën. E para quhet faktori RT, dmth sa persona të tjerë infektohen nga çdo i sëmurë. Italia ka vendosur faktorin 1.5 si kufi limit përtej të cilit deklarohet zona e kuqe, ku aplikohen masa lockdoën totale ose të pjesshme. Faktori RT 1.5 tregon një nivel epidemie alarmant. Mesatarja botërore e faktorit RT aktualisht është 1.1. Mesatarja në Itali aktualisht është 1.75, në Gjermani 1.56, në Francë 1.37. Në rajonin e Malit të Zi është 1.38, në Maqedoninë e Veriut 1.44, në Serbi 1.50. Po në Shqipëri? Vendi ynë aktualisht ka një faktor RT 1.33 si Kosova qe ka 1.31, pra më i ulëti në rajon me përjashtim të Greqisë që është niveli 1.13. Në Shqipëri niveli më i lartë u arrit në datën 20 qershor, me një faktor RT 1.60.
Një element i dytë shumë i rëndësishëm është raporti i të sëmurëve për çdo 1 milion banorë. Statistikat përditësohen që nga fillimi i pandemisë nga ëebsite Worldmeters që monitoron evolucionin e Covid në të gjithë botën. Në këtë statistikë Shqipëria është në vendin e 84 (në vend të parë është vendi me numrin më të lartë të të sëmurëve në raport me popullsinë, që aktualisht është Andorra). Mali i Zi, më keq se Shqipëria është në vendin e 13, Bosnja në vendin e 37, Maqedonia në vendin e 41. Mes 84 vendeve që janë me keq se Shqipëria janë dhe vende me një sistem shëndetësor shumë më të zhvilluar si Izraeli (vendi i 7), Shtetet e Bashkuara (vendi i 15), Franca (vendi 24), Hollanda perfekte (vendi 27) Zvicra (vendi 30), Britania e Madhe (vendi 42),Italia (vendi 57) etj. etj.
Një parametër i tretë shumë i rëndësishëm për të matur efikasitetin e sistemit shëndetësor është numri i të vdekurve për milion banorë. Në këtë klasifikim Shqipëria është në vendin e 58, e paraprirë nga vende të rajonit si Mali i Zi (vendi 20), Maqedonia e Veriut (vendi 21), Bosnia (vendi 26) apo Rumania (vendi 28). Por më keq se Shqipëria janë edhe vende me një shëndetësi ekselente si Belgjika (në vend të tretë), Shtetet e Bashkuara (vendi i 10), Britania e Madhe (vendi 13), Italia (vendi 14), Franca (vendi 18), Hollanda efikase (vendi 28), Zvicra (vendi 37) etj.etj. Mes vendeve që janë më mirë se Shqipëria, janë Gjermania (vendi 74) dhe Turqia (vendi 76).
Një parametër i katërt është me siguri numri i tamponëve të bërë dhe ky është argumenti i betejës së opozitës. Statistikatë e ëorld meters konfirmojnë se Shqipëria kryen një numër tamponesh mesatarisht mëtë ulët se shumë vende të tjera dhe në klasifikim është në vendin e 135 me 42.511 tamponë për çdo 1 milion banorë. Por si shpjegohet që Italia, për shembull, që është në klasifikim në vendin e 37 me 276.000 tamponë çdo 1 milion banorë),pra bën shumë tampon në krahasim me Shqipërinë në raport me popullsinë, në të vërtetë është më keq për numrin e të sëmureve? Dhe e njëjta gjë vlen dhe për shumë vende të tjera?
Në të vërtetë për të kuptuar impaktin që numri i tamponëve ka në aftësinë reale të parandalimit të sëmundjes, duhet parë përqindja e pozitivëve që del nga numri i kampionëve të kryer. Nëse merret totali i tamponëve të bërë në Shqipëri që nga fillimi i pandemisë (126.692) dhe totali i të sëmurëve (21.202) del një e dhënë pozitiviteti prej 16.7 %, ekzaktësisht në linjë me të dhënat e pozitivëve të evidentuar në Itali sot (16.39 %), që bën shumë tampon. Nëse nga tamponët e bërë sot në Itali hiqen tamponët e kontrollit mbi subjektet e sëmurë tashmë, përqindja e pozitivëve rritet në 25 %, që është më e lartë se përqindja e regjistruar sot në Shqipëri (22.2%), në linjë me numrin më të të lartë të të sëmurëve e të vdekurve qe ne Italia eshte me i larte.
Sasitë e tamponëve që duhen bërë ndaj popullsisë dhe zgjidhja për t’i bërë në të gjithë rastet e dyshimta, ose vetëm në rastet që paraqesin simptoma, ka ndarë botën shkencore në gjithë botën. Partia Demokratike beson se është e rëndësishme të bëhen sa më shumë tampon që të jetë e mundur, ndërsa komiteti Teknik shkencor shqiptar synon një numër tamponësh të reduktuar në rastet esenciale, siç ndodh dhe në shumë vende të Europës. Të dy zgjidhjet kanë aspekte pozitive dhe negative, por dilema në botën shkencore lind pikërisht nga fakti se epidemia nuk ulet edhe nëse rriten tamponët. Dhe rasti i Shqipërisë, me shifrat që sollëm, tregon ekzaktësisht këtë.
Komente
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
O njerez mos beni politike. Ruani veten sikur te jene te gjithe ata qe ju rrethojne te infektuar ose ruani te tjeret sikur jini vetem ju vete te infektuar. Vetem keshtu do ta fitojme kete betej qe fatkeqsisht apo fatmirsisht manipulohet egersisht nga segmente antihumane ne Shqiperi dhe kudo ne bote.
PërgjigjuPo ca mir lesh po hecin mir, pranojeni qe ka shkuar m... deri te mjekra. Ka plas covid sheshit e asgje spo beni. Shum te infektuar dhe pse me tampon pozitiv ke amerikani, dalin rrugve sikur mos ken asgje. Asnje nuk mer masa. Ropt ku ti keni te gjith si shtet bq.
PërgjigjuPse nuk e pranojme qe nuk kemi para per tampone dhe kjo eshte situata? Pse nuk themi qe duam te favorizojme privatin per tamponet, qe e ben me 100 euro, kur kosto ne vende te tjera eshte me pak se 50 euro??? Nje numer i larte i tamponeve sherben si mase parandaluese per izolimin e te prekurve asimptomatike. Artikulli ka nje perfundim - shqiptaret jane supermene dhe nuk duan te dine per semundjen. Prisni dhe pak dhe me kete sjellje te publikut nuk do kete me vend ne asnje spital. Shiheni kurben e rritjes muajin e funidt, duhet te na beje te gjitheve te mendojme!!!
Përgjigjune Shqiperi gjendja eshte po aq alarmante sa dhe ne vendet e tjera te evropes. ceshtja eshte qe ketu vendimet i merr politika dhe jo komiteti teknik. jeta e njeriut ne shqiperi ka shume me pak vlere se jeta e nje gjermani apo birtaniku. ketu te ne njerzit vetkurohen dhe protokollet e kurimit i marrin nga shou shouku dhe mire bejne per sa kohe shteti i ka lene ne dore te zotit. cfare duhet bere: te mbyllen baret dhe restorantet; te mbyllet popullata nga ora 18 deri ne 5; te jepen protokolle te sakta kurimi per njerzit qe uk kane semundje bashkeshoqeruese; per njerzit qe kane semundje bashkeshoqeruese dhe te moshuarit te kene perparesi ne trajtim dhe tu shikohet historiku i semundjeve perpara trajtimit.
PërgjigjuNje nivel i ulet i RT por qe ka rritje eshte me i rrezikshem se nje nivel i lart i RT qe peson zbritje. Gjithesesi shqipera a nje gap te madh mendoj qe eshte ajo sasia e limituar e tamponave qe ju permendni dhe cdo statistike eshte pa vlere per Shqiperine per kete arsye. Ju si media duhet te beni me shume perpjeke per te rritur ndergjegjen e njerzve qe te veteizolohen dhe te jene me te kujdeshem, te tregojme shembuj me shume sesi ne vendet e tjera njerzit kujdesen per kete sepse jo se e kerkon qeveria por mbi te gjitha jane njerez me ndergjegje.
Përgjigju