POP 5

Lajmet më të lexuara të 5 minutave të fundit

Sport

Shihej si pasuesi i Messit, Fati i pakënaqur me minutat e lojës tek Barcelona, mund të largohet gjatë verës

Pavarësisht se konsiderohej si pasuesi i Lionel Messit, futbollisti spanjoll mund të largohet nga Barcelona gjatë sezonit të verës.

Shihej si pasuesi i Messit, Fati i pakënaqur me minutat e lojës tek Barcelona, mund të largohet gjatë verës

Ansu Fati

Pavarësisht se konsiderohej si pasuesi i Lionel Messit, futbollisti spanjoll mund të largohet nga Barcelona gjatë sezonit të verës.

Anësori i talentuar, i cili supozohej të ishte ylli i ri i klubit katalanas, është zëvendësues në formacionin e trajnerit Xavi këtë sezon, i cili ka në pozicionin e tij Ousmane Dembelen dhe Raphinhan, i ardhur këtë verë.

'Sport' shkruan tre arsye pse Fati mund të largohet nga Barcelona, ​​me të cilën ka kontratë deri në vitin 2027.

E para është se Fati nuk merr minuta të mjaftueshme në momentet më të rëndësishme.

E dyta është se Barcelona duhet të shesë dikë gjatë verës dhe e treta është se klube si Manchester United janë në kërkim të lojtarëve ofensivë.

Sport thekson se Barcelona nuk dëshiron që ajo që i ndodhi Frenkie de Jong këtë verë t’i ndodhë Fatit. Mesfushori holandez nuk ishte i kënaqur nën drejtimin e Xavit dhe nuk i pëlqente të ishte lojtari i parë që largohej nga fusha në çdo ndeshje.

Manchester United dhe Chelsea u përpoqën të përfitonin nga një situatë e tillë, megjithëse De Jong përfundoi duke qëndruar, kështu që Barcelona tani dëshiron ta shmangë atë.  Fati ka mundësi vetëm të kërkojë transferim, ndërsa vetë Barcelona nuk do ta vendosë në listën e lojtarëve për shitje.

Agjenti Jorge Mendes po mbledh informacione për interesimin e ambienteve të reja për Fatin, e mes tyre ka edhe klube nga Anglia, si Man United, të cilët nuk e kanë problem të paguajnë një shumë të madhe për lojtarin.

Transfermarkt e vlerëson Fatin 50 milionë euro, ndërsa në vitin 2020 vlera e tij ishte 80 milionë euro.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Lista e PS për 14 Majin me 44 rikandidime e 17 emra të rinj, si e vlerësoni?

Lajme të tjera



×

Lajmi i fundit

Veliaj ironizon Këlliçin dhe kujton premtimet e Bashës: Tirana s'ka parë hajër as nga tramet imagjinarë, as nga këto historitë e shportave falas në fushatë

Veliaj ironizon Këlliçin dhe kujton premtimet e Bashës: Tirana s'ka parë hajër as nga tramet imagjinarë, as nga këto historitë e shportave falas në fushatë

26 Mars, 10:21