Shkëmbi shkëputet nga mali e godet
banesën,shpëton për mrekulli familja

4 pjesëtarët e një familje në fshatin Zejmen të Lezhës kanë shpëtuar për mrekulli, pasi banesa e tyre u godit nga një shkëmb i cili u shkëput nga mali.
 
Ngjarja ka ndodhur rreth orës 19:00 të së premtes, teksa e gjithë zona ishte përfshirë nga reshjet e dendura të shiut.
 
Shkëmbi ka goditur pjesën lindore të banesës, duke dëmtuar plotësisht kuzhinën e kësaj shtëpie.
 
Kryefamiljari Gjon Dida dhe bashkëshortja e tij tregojnë frikën e përjetuar në ato momente, teksa thonë se shkëmbi është goditur fillimisht nga rrufeja dhe pastaj është shkëputur dhe rënë mbi banesën e tyre.

‘U bë një shkreptimë e tmerrshme. Toka u bë ngjyrë jeshile. Me sekonda ka ardhur guri këtu në shtëpi dhe kemi dalë jashtë menjëherë. U frikësuam se ishte tërmet por pamë se shkëmbi kishte mbërritur në shtëpinë tonë” tha i zoti i shtëpisë.
 
Ende asnjë nga përfaqësuesit vendor nuk kanë shkuar për të parë dëmet e shkaktuara, ndërsa familja Dida apelon për ndihmë, pasi ata jetojnë në kushte të vështira ekonomike dhe nuk kanë mundësi financiare për të riparuar banesën e dëmtuar.

[gallery]18992[/gallery]

Redaksia Online
(F.T/shqiptarja.com)