"Shkolla e Magjistraturës nuk do të diplomojë asnjë magjistrat në vitin 2021. Kjo për shkak se ligjvënësit kanë dështuar të miratojnë draftligjin për statusin e Gjyqtarëve dhe Prokurorëve, që i hap rrugën shkollës së magjistraturës për të marrë 50 magjistratë të rinj". Sipas drejtorit të Shkollës, Sokol Sadushi, kjo situatë cenon rëndë sistemin e drejtësisë.
Politika ka dështuar deri tani që të miratojë në Parlament draftligjin për statusin e gjyqtarëve dhe prokurorëve, që i hap rrugë Shkollës së Magjistraturës për të zhvilluar konkursin e pranimit të kandidatëve për këtë vit akademik. Mospjesëmarrja e opozitës në Parlament i ul shanset në zero që ky ligj të miratohet.
Por në kushtet kur vetingu po jep rezultatet, ku prokurorë dhe gjyqtarë po përjashtohen nga sistemi i drejtësisë, nevoja për magjistratë të rinj është gjithmonë edhe më emergjente. Ndërkohë, sipas drejtorit të Shkollës së Magjistraturës Sokol Sadushi, në kushtet kur KLGJ dhe KLP nuk është ngritur, mosmiratimi i draftligjit që ndodhet përpara ligjvënësve do t’i japë efektet në vitin 2021, kur të mos diplomohet asnjë magjistrat.
“Mospranimi i ndryshimit të ligjit për statusin e gjyqtarëve dhe prokurorëve që i hap rrugë Shkollës së Magjistraturës të pranojë 50 kandidatë, i jep efektet ne 2021 sepse në këtë vit do të kemi nevojë për magjistratë të rinj, por shkolla nuk do të nxjerrë asnjë, pasi shkolla nuk do të marrë 50 kandidatët e rinj në 2018-n. Them në 2021-shin sepse shkolla është tre vjet dhe nevojat e sistemit të drejtësisë do të jenë shumë të mëdha, ndërkohë që do të kemi 50 magjistratë mangut”, deklaroi Sadushi.
Sipas Sadushit, këtë vit Shkolla e Magjistraturës do të marrë 10 magjistratë, por ata janë këshilltarë ligjorë dhe kanë program të veçantë dyvjeçar dhe jo trevjeçar. Por megjithatë, sipas Sadushit, ky numër është shumë i ulët. “Numri 10 i këtyre kandidatëve për magjistratë që janë këshilltarë ligjorë është shumë i ulët në krahasim me nevojat që ka sistemi”, tha kreu i shkollës së Magjistraturës.
Sadushi i bën sërish thirrje politikës që, nëse gjen konsensusin, ta miratojë sa më shpejt, pasi ka ende dhe pak kohë që të marrë 50 magjistratë të rinj, të cilët mund të fillojnë shkollën në nëntor dhe jo tetor. Ai e konsideron draftligjin si të vetmen zgjidhje në situatën aktuale.
“Shkolla i ka ende mundësitë që të zhvillojë konkursin dhe të marrë 50 magjistratë të rinj, nëse Parlamenti e miraton ligjin. Kandidatët mund të fillojnë shkollën në nëntor dhe jo në tetor. Por mesa duket Parlamenti nuk e ka në axhendën e tij dhe mesa duket shkolla nuk do të marrë dot 50 kandidatët e rinj. Meqenëse prej dy viteve KLD dhe Kryeprokuroria e ka bërë këtë detyrë deri tani, duhet ta bëjnë edhe për vitin 2018 meqenëse nuk është ngritur KLGJ dhe KLP. Propozimi i deputetëve është propozim korrekt dhe unë mendoj se është zgjidhja e vetme”, vazhdoi më tej Sadushi.
Ndërkohë sa i takon shqetësimit që është krijuar nga vetingu duke përjashtuar nga sistemi gjyqtarë dhe prokurorë që japin mësim në Shkollën e Magjistraturës, Sadushi shprehet se deri tani janë përjashtuar 4, por që nuk përbën shqetësim.
“Unë mund t’ju bëj me dije se në trajnimin fillestar, nga 60 pedagogë të brendshëm dhe të jashtëm, vetëm 3 prej tyre janë shkarkuar nga vettingu dhe që quhen të përjashtuar nga e drejta për të ushtruar funksione publike. Përjashtimi i vetëm 3 pedagogëve nuk përbën problem ne mbarëvajtjen e mësimit. Ndërsa në trajnimin e vazhduar janë 140 ekspertë trajnerë pedagogë që zhvillojnë mësimin dhe trajnimin me magjistratët, nga këta janë gjithsej 4 vetë, duke llogaritur edhe ata me përpara”, deklaroi Sadushi.
Sakaq, opozita ka deklaruar hapur se nuk do ta votojë draftligjin për statusin e gjyqtarëve dhe prokurorëve, që është propozuar nga dy deputetët e PS-së, Ulsi Manja dhe Klotilda Ferhati. Opozia akuzon mazhorancën se po kap sistemin e drejtësisë./TemA Tv/
Lajme të tjera
-
Familja Berisha kundër reformës, 2 konferenca në 1 ditë: Gjyqtarët e KiE rrëzuan vetingun! Opinioni: Duhet kur mungon shteti i së drejtës
20 Dhjetor, 17:08 -
5 vite SPAK, SHBA: Pavarësia, vendimtare! Zgjasni mandatin për prokurorët! Dumani: Jemi kërcënuar ne dhe familjarët, s’ka të paprekshëm
19 Dhjetor, 07:22 -
Reforma në drejtësi, VanHorn: Shumë e refuzuan, SPAK po godet bosët e krimit dhe të korruptuarit! Dumani: Pandëshkueshmëria po tronditet
16 Dhjetor, 15:40 -
Berisha nuk heq dorë nga skenaret e dhunës, nxit emigrantët: Gjuani me vezë dhe domate punonjësit e ambasadave shqiptare
13 Dhjetor, 14:13 -
Kthupi në ‘Repolitix’: Berisha e Rama kërkojnë të minojnë reformën në drejtësi! Çaça: SPAK në rrezik nga politika
11 Dhjetor, 22:10 -
Monitorimi i Reformës në Drejtësi/ Inspektori i Lartë i Drejtësisë, takim pune me drejtues të organizatave të shoqërisë civile
11 Dhjetor, 20:30 -
Antikorrupsioni/ Fjala e plotë e Edi Ramës: S’ka komplot kundër SPAK, pa PS s’do kishte reformë në drejtësi
11 Dhjetor, 19:03
-
Rama: 6 muaj sulme sikur unë e Xhafaj kishim plan të errët për të bllokuar SPAK, s'presim opozitën për të shkuar para! Gonzato: Reforma në drejtësi të jetë e pakthyeshme
11 Dhjetor, 16:14 -
Zbardhet dokumenti negociues Shqipëri-BE! Detyrat që lë Bashkimi Europian: Dënoni korrupsionin e niveleve të larta e sekuestroni asetet e krimit
7 Dhjetor, 14:29
-
OSBE trajnon gjyqtarët dhe prokurorët e ardhshëm mbi trafikimin e qenieve njerëzore
6 Dhjetor, 14:15 -
VanHorn në Vlorë: Reforma në drejtësi është punë e të gjithëve, nuk është vetëm SPAK
4 Dhjetor, 13:49 -
Presidenca hedh shortin/ Zgjidhen 9 anëtarët e rinj të Këshillit të Emërimeve në Drejtësi për vitin 2025! Sokol Sadushi kryetari (EMRAT)
2 Dhjetor, 09:43
