Shkon në mbi 1 milion e 100 mijë numri i vaksinimeve të kryera në vend, Manastirliu apel: Nëse jeni mbi 18 vjeç, shfrytëzoni fundjavën për t’u vaksinuar

Foto nga procesi i vaksinimit

Ka shkuar në 1,123,253 numri total i vaksinimeve të kryera në vend kundër koronavirusit, ku vetëm në 24 orët e fundit u vaksinuan 13 mijë qytetarë.

Shifrat u bënë me dije nga Ministrja e Shëndetësisë, Ogerta Manastirliu, e cila i bën apel personave mbi 18 vjeç që të shfrytëzojnë ditët e fundjavës, ditë e fundit të javës së vaksinimit të hapur, për t’u vaksinuar.

“Më shumë se 13 mijë qytetarë u vaksinuan sot, ndërsa janë 1,123,253 vaksinime të kryera që prej fillimit të këtij procesi jetik. Nëse jeni mbi 18 vjeç, shfrytëzoni fundjavën për t’u vaksinuar nga mëngjesi deri në 8 të mbrëmjes, në qendrat shëndetësore ose në qendrat e vaksinimit të përqëndruar kudo në vend”, shkruan Manastirliu në Facebook.

Ndërkohë në vend vijojnë të vijnë të tjera doza vaksinash, ku Ministrja e Shëndetësisë, Ogerta Manastirliu bëri me dije më herët gjatë ditës së sotme se të hënën priten që të mbërrijnë 44 mijë doza vaksinash Pfizer.

Vaksinimi i hapur do të vijojë deri ditën e dielë për të gjithë qytetarët mbi 18 vjeç, nga ora 08:00-20:00 në qendrat shëndetësore dhe në qendrat e vaksinimit të përqëndruar në të gjithë vendin.

J.SH./Shqiptarja.com
  • Sondazhi i ditës:

    A janë braktisur nga shteti efektivët e policisë në luftën ndaj krimit?

Komento


×

Lajmi i fundit

John

Gjenerali amerikan: Al -Kaeda mund të kërcënojë SHBA brenda 1 viti