Qeveria sërish tender për Syrin e Kaltër, këtë herë për plan menaxhimi (Detajet)

Qeveria sërish tender për Syrin e Kaltër, këtë herë për plan menaxhimi (Detajet)

Syri i Kaltër dhe faksimile e dokumentit të tenderit

Pas një tenderi për dhënie me qira të katër kabinave në zonën e mbrojtur të “Syrit të Kaltër” në Bashkinë e Finiqit, që i kushtoi shtrenjtë shoqërisë shtetërore “Albturist TO” sha, duket se ky objekt nuk i ka shpëtuar vëmendjes së qeverisë. Sot është shpërndarë njoftimi se Agjencia e Zonave të Mbrojtura ka shpallur tender për hartimin e një plani menaxhimi për gjithë zonën e “Syrit të Kaltër”, ku përfshihen plane për përmirësim të aspekteve fizike, sociale, ekonomike dhe ekologjike të zones. 

Fondi limit për hartimin e planit është 5.8 milionë lekë dhe ofertat mund të dorëzohen deri me datën 12 nëntor 2019, ora 12. Sikurse është bërë e ditur, ditët e fundit shoqëria shtetërore menaxhuese e këtij monumenti të natyrës, “Albturist Tour Operator” sha, u shkri nga qeveria, pasi, jo vetëm që nuk kishte marrë masa për përmirësimin e kushteve të “Syrit të Kaltër”, por u përpoq që t’ia japë privatit me qira aktivitetin e disa kabinave që ndodhen atje.

Por ky objekt në fakt kontrollohet nga Agjencia e Zonave të Mbrojtura, që duhet të thotë fjalën e fundit për çdo ndryshim të statusit të tij. Monumenti i natyrës “Syri i Kaltër” është shpallur si i tillë në vitin 2002. Ai shtrihet në një sipërfaqe prej 180 ha duke përfshirë edhe sipërfaqen ujore të burimit. Kjo sipërfaqe përbëhet në pjesën më të madhe nga pyll i llojit mbrojtës dhe sipërfaqja ujore e burimit prej afërsisht 13.5 ha. Burimi i Syrit të Kaltër me një thellësi mbi 50 m, përbën një zonë mjaft tërheqëse për vizitorët dhe turistët. Ky burim është furnizuesi kryesor për lumin Bistricë.

( Kliko këtu ) për dokumentin e plotë të tenderit

Aktualisht në këtë monument natyre funksionon një pikë biletarie e cila nuk përmbush standardet e kërkuara. Duke qënë një nga pikat turistike më të vizituara është e nevojshme investimi për implementimin e një pike biletarie elektronike si dhe hartimi dhe miratimi i një rregulloreje të brendshme për funksionimin e pikave të biletarisë, në funksion të menaxhimit efektiv të zones, thuhet në dokumentet e tenderit. Ndërkohë, problem i rëndësishëm është edhe mungesa e infrastrukturës si dhe rruga plotësisht e amortizuar e cila të çon në Monumentin e Natyrës.

Nisur nga fluksi i lartë turistik dhe interesi i madh për këtë monument është i nevojshëm investimi për mirëmbajtjen e saj, vendosjen e postbllokut elektronik dhe sistemimin e parkimeve. Mungon infrastruktura në shërbim të turistëve përfshirë këtu tualete dhe kosha për mbetjet si më të rëndësishme. Dhe numri i vizitorëve nuk ka qenë i vogël: Për periudhën Janar–Dhjetor ai ka arritur 84.616 persona dhe në 28.905 numri i mjeteve, që paguajnë të gjithë biletë hyrjeje.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lleshi: 01/11/2019 15:46

    Po mire mo vlla kaq veshtire eshte te mbahet nga shteti? Llogari e thjeshte 30000 makina x 100 lek hyrja = 3000000 lek Po themi 10 mij veta blejne suvenire aty Blejne mesatarisht 300 lek suvenire 10000 veta x 300 lek = 300000 lek Pra gjithsej 60 milion lek te vjetra fitim Shpenzime 2 roje me 50000 lek rroga 100000 lek x 12 muaj = 1200000 lek Po e shtojme dhe nje sportelist ne pik 3 muaj 50000 x 3 = 150000 lek Sigurime 20000 x 12 + (20000 x 3) = 300000 l Shpenzime operative gjths 1350000 lek Sporteli elektronik 1000000 lek 1350000 + 1000000 = 2350000 lek ose 24 milion Diferenca 6000000-2350000 = 3650000 l Ose 36 milion FITIM PSE DUHET TJA JAPIN PRIVATIT???!!!

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Momenti kur adoleshentët i vënë flakë makinës në Korçë, Report TV siguron pamjet

Momenti kur adoleshentët i vënë flakë makinës në Korçë, Report TV siguron pamjet