Për herë të parë në Shqipëri do të kryhet instalimi i teknologjisë Next Generation Sequencing, që do të përdoret për përcaktimin e terapive intensive dhe target në hemopatite malinje dhe tumoret pediatrike të rralla.

Ministrja e Shëndetësisë dhe Mirëqenies Sociale, Evis Sala në mesazhin e saj në Konferencën e IV Shkencore për Sëmundjet e Rralla Gjenetike theksoi rëndësinë e përmirësimit të diagnostikës, bashkëpunimit, kërkimit shkencor dhe të kujdesit të specializuar për pacientët dhe familjet e tyre.

“Një zhvillim strategjik është instalimi i teknologjisë Next Generation Sequencing, që do të përdoret për herë të parë në vend për përcaktimin e terapive intensive dhe target në hemopatite malinje dhe tumoret pediatrike të rralla. Qëllimi ynë është që këto teste të ofrohen në Shqipëri, me cilësi dhe standarde ndërkombëtare”, tha Sala.

Ajo shtoi se sëmundjet e rralla kërkojnë një qasje të integruar dhe multidisiplinare, ndaj bashkëpunimi me specialistë, rrjete europiane e ndërkombëtare garanton standarde më të larta.

“Bashkëpunimi mes specialistësh, integrimi në rrjete europiane dhe partneritetet ndërkombëtare janë çelësi për të garantuar standardet më të larta dhe barazinë në akses për pacientët”, përfundoi ministrja.

P.J/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera