POP 5

Lajmet më të lexuara të 5 minutave të fundit

Kultura

Shqipëria, Italia e Sllovenia, të bashkuara në një operë! Eksodi i ’91-shit e melodia e cyrlës dyjare në katedrale

Pranë Katedrales Ortodokse u performua opera me një akt “Viti i Aurorës: 1991”, me muzikë të tre kompozitorëve të rinj nga Shqipëria, Italia e Sllovenia. Një histori emocionuese, pjesë e së cilës është edhe eksodi shqiptar i post diktaturës

Një projekt i ideuar dy vjet më parë. Opera me një akt të vetëm “Viti i Aurorës: 1991” u performua mbrëmjen e së martës në Qendrën Kulturore të Katedrales Ortodokse.

Për plagët e së shkuarës dhe shpresën e së ardhmes, 2 kompozitorë nga Italia e Sllovenia si dhe studenti shqiptar Erli Lila, punuan mbi libretin e Grazia Coppolecchia që ka realizuar gjithashtu regjinë.

Nën dirigjimin e Massimiliano Piccioli-t, muzika e kësaj vepre rinore u luajt nga orkestra klasiko-popullore ‘Spam’. Pjesë e saj janë 21 instrumentistë harqesh e instrumentesh popullorë, ndër të cilët 9 përfaqësojnë Shqipërinë.

Melodia e cyrlës dyjare, tipike e vendit tonë, u luajt nga instrumentisti Bruno Gjeçi.

Viti 1991 si dhe personazhet shqiptarë Gonxhja e Sokoli ‘thërrasin’ në historinë që zhvillohet eksodin shqiptar në brigjet e Italisë, ndërsa simbolika e Aurorës, nisjen e një dite të re.

Opera do të vijojë rrugëtimin e saj drejt Sllovenisë këtë të enjte.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça