Si çdo vit, shqiptarët preferojnë të largohen nga rutina dhe të kalojnë festat e fundvitit në destinacionet më të bukura brenda apo jashtë vendit. Jetmira Hoxha, agjente turistike, e ftuar në emisionin Sot Live në Report TV, konfirmoi se Korça mbetet ‘Mbretëresha” e destinacioneve dimërore edhe këtë vit.

“Vendet e preferuara për shqiptarët janë ato tradicionale: Korça e cila mban rekordin dhe këtë vit rezervimet janë mbyllur që në tetor. është shtuar interesi për qytetin e Beratit, Durresit, Vlorës dhe Shkodrës”, tha ajo.

Sa i përket destinacioneve të rajonit, shqiptarët zgjedhin kryesisht zonat me dëborë dhe atmosferë festive. 

"Shqiptarët preferojnë vendet ku ka dëborë, siç është Mali i Zi, Kosova, Maqedonia. Destinacionet më të preferuara të Evropës janë Parisi, Budapesti, prage dhe Budapest ku ka tregje të Krishtlindjes' tha ajo.

Ndërkohë, për festat në Shqipëri këtë fundvit vihet re rritje e turistëve nga Lindja e Mesme dhe Rumania, ndërsa sa i takon shpenzimeve, Hoxha thekson se një pjesë e mirë e klientëve shqiptarë kanë kërkuar paketa ekonomike, duke preferuar udhëtime të shkurtra dhe me kosto të ulëta.