POP 5

Lajmet më të lexuara të 5 minutave të fundit

Sociale

Shqiptarët janë më 'të paditurit' e Europës

Të mësuarit gjatë jetës është përvetësimi vullnetar dhe i vetëmotivuar i dijeve, qoftë për aspektin personal apo profesional. Prandaj, të mësuarit gjatë jetës nuk rrit vetëm përfshirjen në shoqëri apo qytetarinë aktive, por edhe rrit vetë-qëndrueshmërinë, konkurrencën dhe shanset për punësim.

Shqiptarët janë më 'të paditurit' e Europës

Më pak se 1% e shqiptarëve vendosin të angazhohen për të thelluar njohuritë e tyre pas shkollës. Sipas të dhënave të INSTAT, rreth 0.9% e shqiptarëve të moshës 25-64 vjeç mësojnë përgjatë gjithë jetës së tyre. Kjo është norma më e ulët në të gjithë Bashkimin Europian dhe vendet e rajonit, ku Shqipëria ka një diferencë të dukshme, sipas të dhënave të tjera të Eurostat.

Megjithatë, në lëmin e paditurisë, shqiptarët janë shokë klase me rumunët, ku përqindja e personave që mësojnë gjatë gjithë jetës është po aq.

Të mësuarit gjatë jetës është përvetësimi vullnetar dhe i vetëmotivuar i dijeve, qoftë për aspektin personal apo profesional. Prandaj, të mësuarit gjatë jetës nuk rrit vetëm përfshirjen në shoqëri apo qytetarinë aktive, por edhe rrit vetë-qëndrueshmërinë, konkurrencën dhe shanset për punësim.

Ndër vendet e Bashkimit Europian, mesatarisht 11.1% e popullsisë e moshës 25-64 vjeç ishin të angazhuar në të mësuarit gjatë jetës, sipas statistikave të Eurostat.

Përqindjet më të larta janë shënuar në vendet e Europës Perëndimore dhe Veriore. Zvicra ka përqindjen më të lartë, me 31.6% të popullsisë 25-64 vjeç, që mësojnë gjatë gjithë jetës, e ndjekur nga Suedia me 29.2% të kësaj grupmoshe, aktive për të përvetësuar njohuri shtesë gjatë gjithë jetës së tyre. Finlandezët janë të tretët më të dhënë pas të mësuarit, ku rreth 28.5% e grupmoshës 25-64 vjeç mësojnë gjatë gjithë jetës, e ndjekur nga Danimarka me 23.5%, Estonia me 19.7%, Holanda me 19.1%, Franca me 18.6% dhe Austria me 15.1%.

Lindorët mbesin në vend numëro me njohuritë e tyre
Sipas të dhënave të publikuara nga Eurostat, popullsia e Europës Lindore mbetet në vend numëro me njohuritë. Përqindja e individëve që vazhdojnë dhe thellojnë njohuritë e tyre edhe pas përfundimit të ciklit shkollor është shumë më e ulët se mesatarja e BE-së. Më të paditurit e Europës pas Shqipërisë, që mban rekordin, janë Rumania, Maqedonia e Veriut dhe Bullgaria me përkatësisht 2.4 dhe 2.5% të popullsisë që vijojnë të marrin njohur përgjatë gjithë jetës.

Ndër vendet kandidate për tu anëtarësuar në Bashkimin Europian, turqit kanë përqindjen më të lartë të angazhimit në marrjen e njohurive, me 6.2% të popullsisë. Më pas ata ndiqen nga serbët me 4.1%, malazezët me 3.2%.Monitor

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 04/06/2019 15:44

    Në pergjithesi apo veçanti se ja, vlonjatet psh janë lexues te rregullt prandaj mos ja fusni kot

    Përgjigju
  • Vlora: 04/06/2019 10:40

    Ne ka Statistika me kot se keto qe ben INSTAT une nuk besoj. Po si mundesh te japesh rezultatine nje statistike fallco kur 80% e te rinjve ne Shqiperi jane ne vazhdimesi te mesimeve edhe pasi dalin nga Universiteti? Te gjithe e dime se gjikush nga ne ka ndjekur nje kurs apo nje formim packa se kjo eshte e "pa deklaruar" dhe e pa kapshme nga INSTAT. Behuni pak me koherent dhe INSTAT eshte mire te tregoje dhe se sa % e Shqipetareve neper bote jane duke mesuar? Po INSTAT ashtu si nje tufe harabelash pa bisht qe jane e enden ku dhe vete nuk e dine ashtu do te nxjerre dhe statistikat. PFFF na hapet barkun. Mesojne Suedezet me shume? PFFF po Shiqpetaret mbahen per kombin me te zgjuar u tregojne Italianeve se ke kane President e se ku i bie Bari !! pff

    Përgjigju
  • Fredi: 04/06/2019 10:04

    Jo, e keni gabim, na udhëheqin vlonjatet ne dije.. dhe akademia e shkencave do te zhvendoset ne Vlore meqenese vlonjatet lexojn gjith diten me ne krye shokun Skender!

    Përgjigju
  • Lui: 04/06/2019 09:04

    Ketu shprehjen e pare qe degjon sapo je futur i ri ne pune eshte: “ U bere ti te me tregosh mua si behet. Une kam kaq vjet ketu, erdhe ti tani nga jashte te na tregosh” . Gjeja e pare problematike midis shqiptareve eshte respektimi i njeri-tjetrit, sidomos ne ambjentet e punes.. lere pastaj per edukate te pergjithshme kur del ne rruge.

    Përgjigju
  • Tahipi: 04/06/2019 08:38

    Uh cfare lajmi , duhet te ndiheni krenar .

    Përgjigju
  • Tirana: 04/06/2019 08:15

    Te me falni sinqerisht çfare do te them! PO PO!! Dhe budallenjte e dine kete qe jemi me Pykalanet e europes! Sala, Meta, Luli dhe Mona i vene Vulen! Mos shkojme me tutje tek deputetet super te 'shkolluar'

    Përgjigju
  • xreport: 04/06/2019 08:06

    keshtu i donte sali brrisha me ilir meten we ti mashtronin sa do her jua donte b.... joo moooo

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes!

Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes!

26 Dhjetor, 16:23 nga Armand Xhelili