Shtatorja e Gjergj Kastriot-Skënderbeut e vendosur në Prizren, që shkaktoi një debat të gjerë publik mes skulptorëve dhe politikës, do të vlerësohet nga një ekspertizë ndërkombëtare për vlerat artistike dhe kombëtare që ajo mban. Ideatori i kësaj vepre Nue Oroshi gjatë një interviste për Report TV, me tone të ashpra hodhi poshtë të gjitha kritikat e bëra kundër saj dhe tha se të gjitha motivet kombëtare janë të ruajtura.
“Para se të fillojë puna ja kam dhënë 4 ide skulptorit që ti bëj. 1 përkrenarja, shqiponja, akt diplomatik që ka në dorë dhe 4 veshjet e princave mbretëror dhe perëndimor. Aspekti kombëtar qëndron plotësisht. Sa i përket anës artistike mund të diskutohet por jo anës kombëtare siç janë disa vagabondë të medias të cilët thonë që ka pikëpamje otomane, që duan ti ulin vlerën. Unë kam kërkuar një ekspertizë ndërkombëtare që do ta vlerësojnë edhe anën artistike dhe ta dimë nëse ka apo jo vlera. Dhe jo disa sharlatanë”, u shpreh Oroshi.
Oroshi thotë se gjithë këto kritika vijnë si pasojë se ne nuk jemi mësuar të pranojmë gjërat e reja, dhe shtoi se shtatorja e tij tregon heroin në gjendje paqeje dhe se nuk e dëmton figurën e tij.
“Këtu e kemi një Gjergj Kastrioti ndryshe nga realizmi socialist. Është fatkeqësi që janë rikthyer të gjithë ithtarët e socializmit kundër sepse po i ik pëllumbi nga dora dhe po paraqitet ndryshe. Gjithë atë luftë dhe ato beteja që i ka zhvilluar Gjergj Kastriot Skënderbeu i ka zhvilluar në tokë dhe në pozicione të ndryshme. Ne kemi bërë një Gjergj Kastriot paqësor, jo në luftë por me të gjitha elementet kombëtare, të një princi arbëror. Ne nuk jemi mësuar me diçka të re por jemi mësuar me kopje. Ne duhet të shohim edhe anën njerëzore, politike dhe jo vetëm atë luftarake. Nuk e dëmton figurën e tij sepse ne e dimë që ai nuk ka qëndruar gjithmonë në beteja”, pohoi ideatori Oroshi.
Shtatorja e Skënderbeut u vendos në Prizren me rastin e festës së 28 dhe 29 nëntorit, dhe ajo që ra në sy ishte fakti që figura e heroit tonë kombëtar u shfaq ndryshe nga ç’jemi mësuar që ta shohim dhe më kryesorja është pa kalin e tij. Heroi kombëtar shfaqet më i dobët, mjekër më të gjatë dhe pa kalë.
Komente
Lajme të tjera
-
“Hasi jehon”, mbahet edicioni i 35-të folklorik në Prizren! Performojnë 30 ansamble nga të gjitha trevat
5 Maj, 15:51
-
Prizren, Burri tenton të vrasë ish-vjehrrin në oborrin e Gjykatës
26 Prill, 15:31 -
Reportazh në Prizren/ Agjërimi në qytetin muzeal të Kosovës dhe tradita e hershme e pitajkave
23 Mars, 15:11
-
“Kroi i lotit”, vendi ku gjatë diktaturës banorët takoheshin fshehurazi me të afërmit! Hasjanët e ndarë në dy shtete i bashkonte ky burim
10 Mars, 15:16
-
Kosovë/ Mori 20 mijë euro ryshfet, ngrihet akt-akuzë ndaj prokurorit
5 Mars, 16:54 -
Mundja traditë, në Kukës mungojnë vajzat me këtë sport! Mundëset e Prizrenit: Fituam trofe, edhe vajzat ia dalin
1 Mars, 19:12 -
Kroi i Shatërvanit në Kosovë dhe legjenda ‘kush pi ujë, vjen përsëri ose martohet në Prizren’
12 Shkurt, 09:22
-
VIDEO/ Aksident i frikshëm në Prizren! Makina merr përpara këmbësorin te vijat e bardha dhe e hedh në ajër
21 Dhjetor 2023, 18:53 -
Qeveria e Maqedonisë së Veriut miraton marrëveshjen për projektimin e rrugës Tetovë-Prizren
29 Nëntor 2023, 10:45 -
Prizren /80-vjeçarja dhe nusja gatuajnë flinë 2 metra
6 Nëntor 2023, 16:58 -
Edison Ypi: Kosova e të gjallëve
9 Tetor 2023, 13:55
-
EMRAT/ Sherr mes dy personash, vritet me armë zjarri një 48-vjeçar në Prizren! Dëshmitari: U qëllua në sy të gruas dhe djalit
4 Shtator 2023, 10:16
Nuk mund të ketë ekspertizë ndërkombëtare, pasi Skenderbeu është hero kombëtar shqiptar. Ne kemi lidhje të shumëfishtë me Atë, jo thjesht teknikalitete skulptorësh në lidhje me një vepër arti. Vetëm shqiptarët kanë ndjesinë e dujur për Heroin tonë Kombëtar. Kështu që, autori mund ta mbajë te baçja e vetë dhe të ftojë ata që e pëlqejnë të venë e ta shikojnë atje.
PërgjigjuPo hec o burre beji dhe nje kale afer te kenaqen njerzia. Nuk ben kshu. Shume gabim. Te pakten kishe pyetur Ramen qe ta kishe mendjen e mbledhir.
Përgjigju