POP 5

Lajmet më të lexuara të 5 minutave të fundit

Ekonomi

Shtrenjtohen mallrat e importit! INSTAT: Rritja më e lartë e çmimeve tek produktet farmaceutike

Viti 2020 është mbyllur me një rritje të çmimeve të produkteve që Shqipëria, merr nga shtetet e huaja. Sipas një raporti të INSTAT për “Indeksin e Çmimeve të Importit” në tremujorin e katërt të vitit 2020, rritja e çmimeve ishte me 0.2%, krahasuar me të njëjtën periudhë të një viti më parë.

Shtrenjtohen mallrat e importit! INSTAT: Rritja më e lartë e çmimeve tek produktet farmaceutike

Sipas raportit rritja më e madhe e çmimeve është regjistruar tek produktet farmaceutike, që janë edhe produktet më të kërkuara aktualisht në treg, si pasojë e pandemisë COVID-19.

“Brenda këtij seksioni rritja më e madhe e çmimeve vërehet në produktet e aktivitetit “Përpunimi i produkteve dhe preparateve farmaceutike” me 4,6 %, pasuar nga aktivitetet “Prodhimi i produkteve minerale jo metalike” me 3,1 %, “Prodhimi i drurit dhe produkteve prej druri dhe dushku, përveç mobilieve; prodhimin e artikujve prej kashte dhe xunkthi” me 2,5 %, “Përpunimi i produkteve ushqimore” me 2,4 %, etj”, thuhet në raportin e INSTAT.

Ndërkohë kanë pësuar rënie të çmimeve në prodhimin e produkteve të duhanit” me 4,8 %, pasuar nga “Prodhimi i produkteve të kauçukut dhe plastikës” me 4,0 %, “Përpunimi i koksit dhe rafineria e nënprodukteve të naftës” me 3,1 %.

Nga ana tjetër në vitin e kaluar është shënuar rekord importi sa i takon ilaçeve. Po sipas INSTAT në fund të dhjetorit 2020 vlera e importeve të produkteve farmaceutike arriti në 24.1 milionë euro, nga 20 milionë që u blenë në të njëjtin muaj të 2019.

Kjo ishte rritje rekord e importit të medikamenteve që nga viti 2005 kur janë edhe të dhënat e para të regjistruara nga INSTAT, kohë kur janë importuar 6.5 milionë euro.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24