Gjykata e Krimeve të Rënda nuk ka mundur sërish të zhvillojë seancën ndaj 5 të pandehurve mes tyre dhe Emiliano Shullazit ku ishte planifikuar ballafaqimi me biznesmenin Ylvi Beqaj.

Beqaj ka pranuar të bashkëpunojë me drejtësinë duke akuzuar Shullazin se ai e ka kërcënuar me jetë duke i marrë vlera të konsiderueshme monetare. Shkak për shtyrjen e seancës planifikuar për këtë të premte është bërë mungesa e të pandehurve dhe avokatëve të tyre.

Sipas gjykatës, Shullazi kish paraqitur raport mjekësore pasi është shtruar në spital e s'mund të ishte i pranishëm.

Redaksia Online
l.q/Shqiptarja.com