Jo të gjithë qytetarët janë ndërgjegjësuar, pavarësisht masave drastike që ka ndërmarrë qeveria duke mbyllur sportelet, duke pezulluar lundrimet, fluturimet e qarkullimin e transportit urban por edhe atyre private, këto të fundit nga nesër deri të dielën. Në disa qytete, njerëzit nuk i kanë shmangur daljet në rrugë edhe pse nuk kanë arsye madhore. Shumica kanë shfrytëzuar kohën e ngrohtë me diell duke dalë shëtitje, por pa mbajtur maska mbrojtëse. Ndërkohë shumë të tjerë edhe janë ndërgjegjësuar, duke mos dalë nga shtëpitë. Baret e restorantet janë mbyllur.
Edhe Bashkia e Sarandës ka marrë vendimin për mbylljen e tregut të fruta perimeve ditën e nesërme. Kjo masë merret në kuadër të masave për mbrojtjen ndaj koronavirusit dhe është njoftuar nëpërmjet facebook. "Te nderuar tregtare te produkteve bujqesore, bleres dhe banore prane tregut fashatar ne Sarande. Ju bejme me dije se diten e neserme, e permte, 13 mars 2020, ky treg nuk do te funksionoje, pasi mjedisi perpara tij, do t’i nenshtrohet sot, me 12 mars 2020, dezinfektimit, në kuader te masave per moslejimin e perhapjes se koronavirusit. Faleminderit per mirekuptimin dhe bashkepunimin! Frike jo,kujdes po" thuhet në njoftim.
Në Pogradec janë dezinfektuar të gjitha institucionet nga spitali, qendra shëndetësore, doganat në Qafë Thanë dhe Tushemisht, Zjarrfikësja, Posta, OSHEE, kisha, xhami, sheshi, stolat dhe rrugët. Bashkia Pogradec njofton se ka mbyllur tregun e fruta perimeve për shkak të grumbullimit të njerëzve si edhe janë këshilluar tregtarët dhe qytetarët nga policia dhe inspektorët e shëndetit publik.
Bashkia e Durrësit në vijim të masave për të parandaluar përhapjen e COVID-19 ka mbyllur tregjet industriale deri në një afat të pacaktuar. "Mbylljen e përkohshme të tregjeve industriale të licensuara nga bashkia deri në një afat të pacaktuar.
Administrata e tregut Agrobujqësor të organizojë funksionimin normal të tregut duke reduktuar orarin e funksionimit të tij nga ora 07.00 deri në 15.00. Pas kësaj ore të vijohet më pastrimin e mbeturinave dhe dezinfektimin e tij.
Të merren masa për respektimin e distancës të tregtarëve, 2 metra nga njëri-tjetri dhe të mos lejohet tregtimi i produkteve ushqimore nga tregtarët pa masa mbrojtëse. Duke shpresuar në mirëkuptimin e qytetarëve theksojmë se kjo masë merret për të ndaluar virusin dhe mbrojtjen e shëndetit të qytetarëve' thotë bashkia.
Qytetarët e Korçës janë ndërgjegjësuar duke u ngujuar në shtëpi pas apeleve për të shmangur lëvizjet e tepërta. Report Tv sjell pamjet nga Korça, ku rrugët e qytetit janë thuajse bosh nga frika e përhapjes së koronavirusit.
Poliklinika e Fierit ka njoftuar sot pezullimin e përkohshëm të vizitave për pacientët. Sipas shefes së Shërbimit të Poliklinikës së Fierit, Gerta Gjini stafi mjekësor do të jetë në gatishmëri dhe të marrin kontakt me mjekët e familjes ose për rastet urgjente të telefonojnë në numrin '127'
Kemi parë mesazhe nga më të ndryshme të vendosura në dyert e lokaleve, tashmë të mbyllura, por ka edhe një mesazh të tillë nga qytetar që në këtë kohë, quhet me plotë gojën një "qytetar model". Ai ka vënë njoftim në derën e shtëpisë së tij një mesazh ku shkruan se nuk pret vizita nga asnjë person, sado i afërt të jetë ai.
"Për shkak të koronavirusit nuk pranojmë vizita në shtëpi as nga të afërm as nga miqtë. Faleminderit për mirëkuptimin. Dhe ju mund të bëri të njëjtën gjë", shkruhet në mesazh.
Një pamje që të ngjall frikë në këtë periudhë të koronavirusit është regjistruar në Elbasan. Djetëra qyetetarë, të ngjeshur me njëri-tjetrin qëndrojnë në radhë në Poliklinikën e këtij qyteti për të marrë shërbimin mjekëso. Edhe pse vizitat janë me orar të planifikuara, kjo nuk respektohet ngë qytetarët, e mbi të gjitha duke mos ruajtur as distancën, pa maska dhe pa doreza.
Videoja që Report Tv sjell legjitimon krejtësisht vendimin e qeverisë shqiptare për të pezulluar transportin ndërqytetas. Qytetar të pandërgjegjësuar në terminalin e autobusëve, pavarësisht se u është bërë thirrje, nuk kanë vendosur maskë, pa doreza dhe ngjeshur me njëri-tjetrin. Videoja është xhiruar ditën e sotme, në një kohë kur janë konfirmuar 23 raste me koronavirus në Shqipëri, në 5 qytete të Shqipërisë.
Denoncime të shumta kanë mbërritur në redaksinë e Shqiptarja.com nga punonjës të Call-Centre, ndaj të cilëve ndonëse vendi ndodhet në një situatë të jashtëzakonshme për shkak të koronavirusit, nuk është marrë asnjë masë mbrojtëse ndaj tyre. I tillë është edhe rasti i një Call Centre në Kodrën e Diellit. Përveç faktit që vijojnë të punojnë, edhe pse është dhënë urdhër për reduktimin e stafit, një gjë e tillë jo vetëm që nuk ka ndodhur, por nuk respektohet as distanca prej 1 m nga njëri-tjetri, nuk janë pajisur as me maska dhe as me doreza. Shqiptarja.com sjell një foto ku shihen që në pushimin e tyre qëndrojnë jashtë në grumbullime të mëdha, duke shkelur me dy këmbë të gjitha rregullat minimale për mbrojtjes ndaj koronavirusit.
Qytetarët e Vlorës zgjedhin ta kalojnë ditën me shëtitje në Lungomare, anës detit në Zvërnec apo edhe në natyrë. Një mënyrë kjo për të shijuar ditën e ngrohtë me diell këtë të enjte, aq sa dikush ka zgjedhur të marrë rreze në plazh. Por lëvizje këto që nuk i shërbejnë aspak mbrojtjes publike që vendi ka nevojë në këto ditë kur të gjithë duhet tqë kufizojmë lëvizjet, të qëndrojmë në shtëpi për të mos rrezikuar nga infektimi me COVID-19
Pavarësisht masave që duhen marrë për të ruajtur veten dhe të tjerët nga koronavirusi, në tregun e fruta perimeve në qytetin e Fierit shfaqet një tjetër panoramë.
Njerëzit janë të grumbulluar masivisht për të blerë fruta e perime dhe shihet se asnjëri nuk është me maska mbrojtëse në fytyrë. Vetëm në të rrallë sheh ndonjë tregtar që të ketë maskën.
Produktet më të kërkuara janë limoni, portokalli, e molla që janë reflektuar edhe në rritjen e çmimeve.
Fruta këto që në këtë situatë gripale dhe me të infektuarit e parë në Shqipëri nga COVID-19, janë të sugjerueshme të përdoren.
Qytetarët në Berat kanë shmangur qarkullimet në rrugë në shenjë sensibilizimi dhe mbrojtje për të mos u infektuara nga koronavirusi. Rrugët e qytetit janë boshë ashtu si edhe kafenetë, megjithatë ka edhe njerëz që kanë shfrytëzuar kohën e mirë, duke qëndruar në lulishte.
Të tillë janë edhe tre të moshuar të cilët shprehen se maska u duken si fre kuajsh.
"Pse njerëzit do mbajnë fre? Vetëm nga xhebraili kam frikë unë, engjëlli i caktuar nga perëndia për të marrë, se i tha njërit, i erdhi shkurti dhe po i fikej kandili, hidhi cik vaj kandilit tim, i hodhi u bë i pasur ai, i mbaroi kandili atij, i tha hidhi pak vaj, jo jo i tha se erdhi shkurti, ai u nxi dhe u fsheh në përrua. Ai e gjeti atje dhe i tha hajde me faqe të bardhë pse shkon me faqe të zezë. Dhe ne o do shkojmë me faqe të bardhë, ai që e ka nisur nuk e kthen më atë jo fre të vë unë".
"Nuk kemi frikë nga gripi ne. Jemi nga malësia. Frikë kemi ne por çfarë do bëjmë, ku do vemi, ku do futemi".
"Nuk kam asnjë shqetësim, asnjë sëmundje nuk kam. Nuk më zë mua asnjë lloj gripi".
Mesazhe ndërgjegjësuese në lokalet e mbyllura
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
