Si të përgatisim shurup portokalli në kushte shtëpie dhe mënyrat e përdorimit të tij në ëmbëlsira dhe pije të ndryshme

TIRANË- Në një intervistë në emisionin “Rreze Dielli”, Sabina Sherifi solli një recetë të thjeshtë se si të përgatisim shurup portokalli në kushte shtëpie. Përbërësit që do t’ju duhen për këtë shurup janë:

1 gotë sheqer

1 gotë lëng portokalli

1 gotë me ujë

Lëkura e një portokalli

pak alkool ( sipas preferencës)

Hapi I parë I kësaj recete përfshin larjen mirë të portokallave me kripë që t’i heqim shtresën e dyllit.

Në hapin e dytë bëhet gati lëngu I portokallit, duke e shtrydhur atë, deri sa të kemi një gotë të plotë, më pas e vendosim në zjarr, më pas i hedhim një gotë ujë të nxehtë dhe gotën e sheqerit. I përziejmë sëbshku ndërkohë që produktet ziejnë, kur fillon që lëngu të trashet atëherë e ulim paska nxehtësinë.

E lëmë të ziejë në temperaturë të ulët deri sa të arrij një konsistencë të trashë, gjatë kësaj kohë  i grijmë lëkurën e portokallit:

“Tani do t’I shtojmë dhe pak alkool për ta theksuar sa më shumë aromën, alkooli ja thekson më shumë aromën portokallit kështu që tani do ta lëmë edhe 5 minuta, do ta lëmë që të ftohet dhe do ta fusim tek një shishe të cilën mund ta ruajmë në frigorifer, 2 deri në 3 javë” tha  ajo.

Si mund ta përdorim shurupin e portokallit?

“Mund ta përdorim edhe në një dressing për një sallatë të zakonshme. I vendosim kripë, dy lugë vaj, lëngun e gjysmë limoni dhe I shtojmë një lugë gjelle nga shurupi I portokallit, I përziejmë të gjitha sëbashku dhe më pas ia shtojmë sallatës” tha blogerja e kujdesit për shtëpinë Sabina Sherifi.

Ndërsa mund ta shijoni edhe si pije me pak akull për periudhën e verës.

MC/Shqiptarja.com
  • Sondazhi i ditës:

    25 prilli, a mendoni se pas ankimimeve të PD -LSI do kemi ndryshim rezultati në qarqe apo në rang kombëtar?

Komento


×

Lajmi i fundit

John

Polemika pafund për derbin Juventus-Inter, Del Piero: Vetëm arbitri mund ta shpjegojë penalltinë e Cuadrado-s