Shqiptarët zgjodhën 61 kryetarët e rinj të bashkive, të cilët do të qeverisin Shqipërinë gjatë katër viteve të ardhshme në nivel vendor, duke shënuar fundin dhe zyrtarizuar dështimin e aksionit 4-mujor të opozitës joparlamentare për rrëzimin e qeverisë. Për katër muaj me radhë, krerët e opozitës, Lulzim Basha dhe Monika Kryemadhi u përbetuan se nuk do të lejonin zhvillimin e zgjedhjeve lokale të 30 qershorit. Madje, kryetarja e LSI Monika Kryemadhi u kërkoi të strukturave të LSI të mobilizoheshin pasi zgjedhjet e parakohshme ishin shumë afër. Nga ana tjetër, Lulzim Basha e ka përsëritur çdo ditë përbetimin se nuk do të lejohej zhvillimi i zgjedhjeve saqë shumë nga militantët e PD filluan ta besonin një gjë të tillë dhe të përgatiteshin për prishjen e zgjedhjeve. Disa ditë para zgjedhjeve, Shqiptarja.com publikoi një qarkore shpërndarë nga PD-ja për degët në rrethe për mënyrën e bllokimit të zgjedhjeve të 30 Qershorit. Përmes qarkores militantët udhëzoheshin të përplaseshin me policinë dhe të asgjësonin materialet zgjedhore.
Ndërkaq, një ditë më pas, pas një takimi 90 minutësh në zyrën e tij me zv/ambasadoren e SHBA-së në Shqipëri Leyla Moses-Ones, Basha e mohoi qarkoren, duke e konsideruar mashtrim të Edi Ramës. Megjithatë, përfaqësuesit e PD vijonin retorikën ekstreme të luftës, me viktima, vëllavrasje, konflikt civil etj. Fushatës së tyre të dhunshme iu bashkuan edhe disa intelektualë, të cilët thanë se ishin gati të shkonin në burg, për të mos lejuar mbajtjen e zgjedhjeve më 30 qershor. Madje, Lulzim Basha akuzoi mediat, të cilat nuk po e pasqyronin siç duhet këtë fushatë. Për t’i bërë sa më të zbatueshme kërcënimet për atë që do të ndodhte në 30 qershor, u sulmuan dhe u dogjën disa KZAZ në Bushat, Burrel, Shkodër dhe Dibër. Megjithatë, të gjitha përbetimet për bllokimin e zgjedhjeve avulluan brenda 24 orëve. Zgjedhjet u mbajtën në një klimë përgjithësisht të qetë. Pjesëmarrja ishte sipas pritshmërive të shumicës. Rrëzimi i qeverisë, që ishte kryefjala e aksionit të Lulzim Bashës dhe Monika Kryemadhit, vijon të mbetet një iluzion, ashtu si zgjedhjet e parakohshme. Raportet mes opozitës dhe ndërkombëtarëve janë në një pikë kritike. Ky është rezultati i aksionit 4-mujor i PD-LSI.
Kthesa
Sinjalet e para të tërheqjes nga skenari i dhunës i dha kryetarja e LSI, Monika Kryemadhi, e cila nisi të distancohej nga linja e PD. Pas saj, edhe Lulzim Basha hoqi nga retorika e tij, fjalinë ‘nuk do lejojmë zgjedhjet e 30’ qershorit. Basha nisi të flasë vetëm për mosnjohje dhe bojkot të procesit. Vetëm disa orë para votimit, Basha ishte më i qartë, teksa u bëri thirrje mbështetësve të PD të distancoheshin nga çdo akt dhune, me pretendimin se dhuna i shërbente Edi Ramës. Thirrjeve kundër dhunës iu bashkua edhe Presidenti Ilir Meta. Kështu nga përgatitjet për dhunë, militantët e PD protestuan dje para disa qendrave të votimit me këngë dhe valle.
Prapaskena
Shtetet e Bashkuara të Amerikës duket se kanë pasur rol vendimtar nga tërheqja e opozitës nga plani i dhunës në 30 qershor. Disa ditë para zgjedhjeve, Zëvendës Ndihmës Sekretari Amerikan i Shtetit, Mattheë Palmer u shpreh qartë dhe prerë se SHBA do të shkëpusë marrëdhëniet me ata që do të pengojë zgjedhjet në Shqipëri në 30 qershor. Mesazhi ishte i qartë për Lulzim Bashën, Sali Berishën dhe Monika Kryemadhin. Përveç mesazheve të forta publike, Lulzim Basha duket se ka marrë mesazhe të drejtpërdrejta edhe nga sekretari politik i Ambasadës Amerikane, Daniel Koski. Në rrethet mediatike u përfol se një ditë përpara protestës së fundit të opozitës, Koski u takua me Lulzim Bashën dhe Monika Kryemadhin, duke ua bërë të qartë se nëse deri më 1 korrik do të ketë akte dhune, atëherë SHBA do t’i shpallte ato si organizata të dhunshme.
Lajme të tjera
-
Zgjedhjet lokale, Pampuri: PD do të prezantojë në javët në vijim kandidatët! Nuk i njohim kandidatët e tjerë
19 Dhjetor 2022, 18:19 -
Dhanë vendimin e 30 qershorit, Meta kërkesë KPA-së: Nisni hetimin disiplinor për Fiona Papajorgjiin dhe anëtarët e tjerë të Gjykatës Kushtetuese
26 Janar 2022, 10:27 -
KQZ dijeni vetëm për 3 bashki pa kryetarë, Meta letër Kryeministrisë: Kërkoni zgjedhje të parakohshme, por s’më informoni zyrtarisht! 2 pyetjet që duhet të më përgjigjeni sa më shpejt
17 Janar 2022, 13:28 -
Nga 'fati' i Metës në Kushtetuese, te akti final i 'betejës' në PD apo zgjedhjet e parakohshme në 6 bashki! 5 ngjarjet 'e nxehta' që priten në arenën e politikës gjatë vitit 2022
2 Janar 2022, 14:32
-
Edi Paloka merret në pyetje nga SPAK
10 Dhjetor 2021, 16:01 -
Meta kundërshton Kushtetuesen për zgjedhjet vendore? PS: Kjo punë ka marrë fund, morën mësimin e duhur! Fitoi e drejta e shqiptarëve për të votuar
9 Dhjetor 2021, 11:46 -
Skënder Minxhozi: Me ose pa Kushtetuese, presidenti nuk ndryshon
7 Dhjetor 2021, 19:20
-
Zgjedhjet e 30 qershorit, Presidenca: Gjykata Kushtetuese i zhgënjeu të gjithë me vendimin, nuk i dha zgjidhje përfundimtare çështjes, por ia la politikës
7 Dhjetor 2021, 17:11 -
Votimi/ Gruaja e Andi Bejtjas sfidoi ‘Venecian’ dhe doli në krah të Metës, e vetmja në Kushtetuese që kërkoi përmbysjen e zgjedhjeve të 30 qershorit 2019
6 Dhjetor 2021, 16:20
-
Zgjedhjet lokale legjitime, Kume: Gjykata Kushtetuese ktheu opinionin e 'Venecias' në vendim të saj! Duhej të krijonte mekanizma për të mos u përsëritur 30 qershori
6 Dhjetor 2021, 13:16 -
Rrëzoi kërkesat për jo kushtetuetshmëri të zgjedhjeve lokale, Kushtetuesja zbardh vendimin: Nuk është në juridiksionin tonë! Voltana Ademi s'na vinte dot në lëvizje
2 Dhjetor 2021, 15:34 -
Kriza politike në Mal të Zi dhe zgjedhjet e parakohshme
7 Nëntor 2021, 20:51
