Ishte ai që disa vjet të shkuara bërtiste më fort se të gjithë të tjerët “Na lanë pa Gjykatë Kushtetuese”, “I prenë kokën shtetit”, “S’duan dëshmitarë në vjedhjet e tyre” etjetj. Ishte ai që për emërimin e gjyqtarëve të këtij institucioni bëri sherrin më të madh të viteve të fundit me parlamentin dhe shumicën qeverisëse.
Ilir Meta kishte të drejtë në parim asokohe për shumë nga thirrjet alarmante që hidhte në ambjentin politik, atëhere kur reforma në drejtësi kishte krijuar vakume në shumë prej institucioneve kryesore të sistemit të drejtësisë duke i kthyer në jonfunksionale. Kishte të drejtën formale të shtetarit që bënte apel për normalizimin e sistemit dhe të shtetit.
Sot situata ka ndryshuar cilësisht, pasi kemi Gjykatë Kushtetuese. E cila merr vendime në sovranitet të plotë. I vetmi që sapo na e provoi që nuk ndryshon, është Presidenti i Republikës, i cili nuk pyet as për Kushtetuese, as për Komision të Venecias dhe për asnjë instancë tjetër, të cilave ju referohet vetëm kur ua ka nevojën dhe kur thonë atë që ai pëlqen.
Rënia e demarshit për të rrëzuar juridikisht zgjedhjet lokale të 30 qershorit 2019, shënon një humbje të rëndë politike për kreun e shtetit. Aq më e rëndë bëhet kjo humbje, kur merr edhe firmën e Gjykatës Kushtetuese, institucionit për të cilin Ilir Meta është konfliktuar gjatë me maxhorancën.
Nxjerrja në podium e këshilltarëve, për një betejë të cilën e ka konsideruar dhe e ka trajtuar si personale dhe shumë të rëndësishme, por edhe aludimet e shëmtuara që përdori ndaj Kushtetueses, tregon se kryetari i shtetit e ka pritur shumë keq mbetjen në fuqi të atyre zgjedhjeve.
Për kujtesë, ishin zgjedhjet me të cilat Ilir Meta luajti sipas qejfit, sikur të ishin një biletë llotosporti, teksa i dekretoi në 30 qershor, e më pas i shtyu po vetë në 13 tetor 2019. Ishte kjo shtyrje arbitrare zgjedhjesh që rrezikonte ta kthente procesin elektoral në një lesheli ekzemplare, duke vendosur precedentin e rrezikshëm të shtyrjeve të votimeve sa herë që njëra nga palët nuk kishte interes të shkonte në kutinë e votave.
Përtej vendimit për zgjedhjet lokale të vitit 2019, sot kuptuam se Presidenti nuk pranon ta rrëzojë as Gjykata Kushtetuese. Ajo gjykatë për të cilën është betuar dhjetra herë, se nëse hap gojën dhe hedh firmën, ai vetë do të pranojë çdo verdikt. Me ose pa Kushtetuese, Ilir Meta fatkeqësisht nuk ndryshon!
Komente
Lajme të tjera
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56
Sikur kjo GJK nuk e shqyrtoi fare ate punen e zgjedhjeve. Kerkuesi nuk legjitimohej per rrjedhoje brendia as qe u mor parasysh. GJK nuk mori vendim per zgjedhjet por per kerkesen. Dhe nuk e pranoi. Pra KERKESEN. Presidenti,nese vertet ka deshire, mund ti drejtohet vete GJK si nje nga palet qe e parashikon Kushtetuta dhe te kerkoje shqyrrimin e punes se zgjedhjeve. Ju lutemi,para se te shkruani prralla, ftoni konstitucionalistet e ketij vendi, beni nje emision qe tu bejne nje leksion dhe te kuptoni me mire anen ligjore te kesaj situate. Si nuk denjoni te shkruani faktet objektivisht. Ne asnje vend ne bote nuk ndodh kjo. Ah,pervec ne Korene e Veriut.
PërgjigjuJo pèr zgjedhjet por pèr kèrkesèn? Ty tè ka Likja drejtor, ty tè ka Likja xhan. Ja, sa tè dalè nga Reçi, do pèrpiqet pèrsèri deri nè frymèn e fundit, qè tu kthejè juve tenxheret. Deri atèherè, shkoni nganjèherè ta vizitoni, mos e lini tè mèrzitet. Hajduti, pèr hajdutin duhet tè jetè.